Aina Levi 15:31 - Amazwi Yakwe Leza 2013

³¹ Yawe wanenyile Mose kuti asoke aina Izlaeli pamulandu wa mifitalila yao pakuti yatakowezya Itaalu lya Ukongano lino lyali pakasi ka nsakwe. Pano ndi yalikowizye, yangakomwa.

Aina Levi 15:31 ပူးပေါင်းရင်းမြစ်များ

Masamu 66:18

Iciya icakuti nemo inkasansamukila umu viipe, awe cumi Umwene atange anguvwe.

Ezekelo 23:38

Nupya yancitila icintu nacuze. Yene yakowezya incende yane yamuzilo nu kukowezya Masabata yane pa nsita ili yonga kwene.

Ezekelo 36:17

“We mwana wa muntu, pa nsita ino aina Izlaeli ikalanga mu mpanga yao, yacikowizye ku mikalile yao nu ku micitile yao. Kunondi imipitile yao yali iyawinyi, kwati amangu ali ku mpepo.

Ezekelo 44:23

Yasimapepo yace yasambilizya antu yane ukupusanya vintu vyamuzilo ni vyasilesile, yace yayalanga na vino ivikowele ni visi vikowele vyapusana.

Ezekelo 5:11

“Caleka ne Yawe Simwandalali ndakufulula, pasi pano wakowezya Ng'anda yane ikulu. Waikowezya ku vintu vyawinyi vino wemo wacita.

Danieli 9:27

Kateeka wilya alacita cipangano ningo na antu avule pa myaka cinimbali, nga lino citika wa nsita ii wapita, wene alaleta impela ku kupeela kwa mpolelwa na mawila. Caononyi Cawinyi cene cilimikwa pa kansonsi ka Ng'anda ikulu yakwe Leza nga cilasyala papa kwene ukufika lino impela ino Leza wamuteyanyizizya ilafika.”

Aina Levi 11:47

Mulinzile ukuya atekele pakupusanya pakasi ka vintu vino visi vyamifitalila ni vintu vyamifitalila, nupya pakasi ka vintu vya umi vino mungalya na vino mutangalya.”

Aina Levi 13:59

Lii, lili lamulo lyapa vivuvume vyapa vyakuzwala, ciye pa nsalu ya mavumbu nanti yakwe pamba, nanti pa cakuzwala consi capangilwe nu mukwela unyuke. Vii, avili vino mulinzile ukucita pa kumanya insalu isi ni mifitalila ni nsalu yamifitalila.

Aina Levi 15:32

Yaa, ali malamulo ya pamulandu wa monsi wino akufumya ufila nanti mbuza ku wonsi wakwe,

Aina Levi 19:30

Mwasunga amanda yane ya Masabata nu kucindika cifulo cane camuzilo. Nene indi Yawe.

Aina Levi 20:3

Muntu umwi ndi wapeela ana yakwe kuli Moleki nu kulenga Itaalu lyane lyamuzilo ukuya lyamifitalila, nupya nu kuzewanya zina lyane lyamuzilo, umuntu wiyo indamufutatila nu kumusukula mu antu yane.

Aina Levi 21:23

Lelo pamulandu wakuti umuntu wiyo akweti ulema, atalinzile kupalama pipi ni nsalu yakucingilila iyamuzilo nanti ukuya ku kavuwa. Atalinzile kulenga vintu vii ukuya vyamifitalila, pamulandu wakuti nene indi Yawe, nupya nene nkalenga kuti vintu vivyo viye vyamuzilo.”

Mpendwa 19:13

Wino wensi uwala wakumya icala ca muntu ali wensi nga nu kucita mufulo wa kukana isangulula ale wene wakowezya Itaalu lya Ukongano. Umuntu wiyo alinzile kusukulwa mwi uvi lya ina Izlaeli. Pamulandu wakuti amanzi akumukondola yatapisile pa mwili wakwe, ali cino fwandi wene wasyala mukowele, na makombezya yakwe yasyala yamukambatile.

Mpendwa 19:20

Lelo ndi cakuti umuntu mukowele wakana ukucita vivyo, wene yalinzile kumusukula umwi uvi, pamulandu wakuti wene watakowezya Itaalu lyakwe Yawe. Pamulandu wakuti amanzi akumukondwela yatapisile pa mwili wakwe, ali cino fwandi wene wasyala mukowele na makombezya yakwe yasyala yamukambatile.

Mpendwa 5:3

Aye umonsi nanti umwanaci, ukumuzingila kunzi ya nsakwe. Pano ndi cisi vivyo, aina Izlaeli yangakowezya insakwe muno nemo natincita wikalo.”

1 Kolinto 3:17

Caleka umuntu umwi ndi wonona Ng'anda ikulu yakwe Leza, Leza nawe alamonona. Pano Ng'anda ikulu yakwe Leza yene iya muzilo, nga mweisikulu mwemwe muli Ng'anda ikulu yakwe Leza.

Malango 24:8

“Umwi ndi walwala tembwe muce mwasakamala ukucita vino yasimapepo aina Levi yalamunena. Muce mwalondela vyonsi vino nayatungulula ukuti avino yacita.

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.

1 Samueli 3:14

Caleka, nemo nalafile ku ang'anda yakwe Eli ukuti kutalatala kuye impolelwa nanti uwila uno ungafuta umulandu wao.”