Aina Levi 15:21 - Amazwi Yakwe Leza 2013

²¹ Muntu wensi uwakumya ku musanzi wa mwanaci wiyo alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 15:21 ပူးပေါင်းရင်းမြစ်များ

Ezaya 22:14

Yawe Wamaka yonsi wansokolwelile amazwi akuti, “Umu cumi, mutalalipila api ifyo lilyo suka sile mukafwe. Ivya landa ne Yawe Wamaka yonsi.”

Aina Levi 11:24

“Wino wensi uwalema ivitumbi vya nyama zii, aye uwamifitalila kufika lino ilanzi lyawa.

Aina Levi 15:20

Cintu icili consi cino umwanaci wiyo wikalapo nanti cino walalapo mu nsita ino ali ku mwezi, ciye icamifitalila kufika ku manguzi.

Aina Levi 15:22

Muntu wensi uwakumya ku cintu icili consi cino umwanaci wiyo waliwikalapo alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Mpendwa 19:22

Cintu icili consi cino umuntu mukowele wakumya ale naco kwene casyala icikowele. Nu muntu kwene uwacikumya nawe kwene amasyala mukowele mpaka ukufika lino ilanzi lyawa.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Ayebulai 9:26

pano acita vivyo wange acule maila aingi kufuma ku kuumbwa kwa vintu vyonsi. Lelo ndakai, lino mpelelekezyo ya nsita zya mikulo yonsi yapalama, wene waloleka lyonga nupya calimwi kuti atufumizye maifyo kupitila mu mpolelwa ino umwisikulu waipile.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.