Aina Levi 15:14 - Amazwi Yakwe Leza 2013

¹⁴ Pa wanda uwalenga cinani alinzile kutoola ivipeele viili nanti ana ya nkunda yaili nu kutwala pa mulyango wi Taalu lya Ukongano pa manso yakwe Yawe, avipeele kuli simapepo.

Aina Levi 15:14 ပူးပေါင်းရင်းမြစ်များ

Aina Levi 1:14

“‘Muntu ndi cakuti akupeela kuli Yawe uwila wakoca uwa tunyi, uwila uwo ulinzile ukuya icipeele nanti inkunda.

Aina Levi 12:6

Lino insita yakuswefiwa kwa mpapo yakwe yasila, pa mpapo ya mwana umonsi nanti pa mpapo ya mwana umwanaci, nyina mututu alinzile ukuleta kuli simapepo, pa mulyango wi Taalu lya Ukongano umwana wa mfwele wa mwaka onga, kuti aye uwila wakoca. Nupya alinzile ukuleta icipeele conga nanti inkunda yonga ya wila wa kwelela amaifyo.

Aina Levi 12:8

Mwanaci ndi cakuti atakweti imfwele, alinzile ukuleta ivipeele viili nanti ana ya nkunda yaili, conga ciye uwila wakoca ni cuze ciye uwila wa kwelela amaifyo. Mu musango kwene uu simapepo alinzile ukumucitila ulutambi lwa kufuta amaifyo, nga nawe alaswefiwa.

Mpendwa 6:10

Alino pa wanda walondelelapo, uwalenga cinani, alinzile watwalila simapepo ivipeele viili nanti ana ya nkunda yaili pa mulyango wi Itaalu lya Ukongano.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Ayebulai 10:10

Pamulandu wakuti Yesu Klistu wacisile vino Leza walondanga kuti wene acite, swemo swensi kwene twaswefiwa kupitila mu mpolelwa ino umwisikulu waipile lyonga nupya calimwi.

Ayebulai 10:12

Lelo Klistu wapile impolelwa yonga yakufumya maifyo, ni mpolelwa ii ikaomba manda pe. Lyene waile aikala kwi kasa lilunji lyakwe Leza.

Ayebulai 10:14

Mu mpolelwa yonga kwene amuno wene walenga ukuti antu yano aswefiwa kufuma ku maifyo yaye afumaluke manda pe.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.