Aina Levi 15:11 - Amazwi Yakwe Leza 2013

¹¹ Muntu wino akufumya ufila ku vya nzwalo vyakwe ndi wakumya umuntu umwi lino atali afulale makasa, umuntu wino wakumya alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 15:11 ပူးပေါင်းရင်းမြစ်များ

Aina Levi 11:24

“Wino wensi uwalema ivitumbi vya nyama zii, aye uwamifitalila kufika lino ilanzi lyawa.

Aina Levi 15:10

Muntu wensi uwakumya ku cintu consi cino muntu wino akufumya ufila ku wonsi wali wikalapo, waya uwamifitalila kufika ku manguzi. Nupya umuntu wensi wino wasenda icintu consi cino umuntu wino akufumya ufila ku wonsi wakwe wali wikalapo, alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 15:12

Civiya consi ciivu cino umuntu wino akufumya ufila ku wonsi wakwe wakumya, cilinzile ukucitamola alino civiya consi ca mbao cilinzile kufulwa na manzi.”

Mpendwa 19:22

Cintu icili consi cino umuntu mukowele wakumya ale naco kwene casyala icikowele. Nu muntu kwene uwacikumya nawe kwene amasyala mukowele mpaka ukufika lino ilanzi lyawa.

Malango 23:11

Lino ilanzi lyaya pipi nu kuwa wene alinzile aowe ku mwili, nga lino ilanzi lyawa lyene angaswilila mu kamba.