Aina Levi 14:8 - Amazwi Yakwe Leza 2013

⁸ Muntu wino waswefiwa alinzile ukufula insalu zyakwe, apele inyele zyonsi, alino afulale umwili onsi. Lyene umuntu wiyo waya muswepe. Angingila mu nsakwe, lelo alinzile ukwikala panzi yi taalu lyakwe pa manda cinimbali.

Aina Levi 14:8 ပူးပေါင်းရင်းမြစ်များ

2 Milandu 26:21

Umwene Uziya wakweti tembwe ukufika na pa wanda wa kufwa kwakwe. Pamulandu wakukwata tembwe, wene waile aikala wenga mpo mu ng'anda yuze. Nupya yamusukula ku Ng'anda ikulu yakwe Yawe. Yotamu umwanakwe umonsi uwatozile amalo akwangalila vyakwi sano nu kuteeka antu amu mpanga ilya.

Kufuma 19:10

Alino Yawe anena Mose ati, “Yanga kanene antu ukuti ilelo na mutondo yaisangulule nu kuiteyanyizizya ku mapepo. Yene yalinzile ukufula vyakuzwala vyao.

Kufuma 19:14

Caleka Mose aika pa mwamba anena antu kuisangulula nu kuiteyanyizizya ku mapepo. Alino antu yafula vyakuzwala vyao, nga

Aina Levi 11:25

Wino wensi uwatola icitumbi ca nyama iyo alinzile kufula insalu zyakwe nu kusyala uwamifitalila kufika lino ilanzi lyawa.

Aina Levi 14:20

Apeele pamwi nu wila wa cakulya pa kavuwa. Vii, avili vino simapepo alinzile ukucita pa lutambi lwa kufuta amaifyo ya muntu wino wapola ku ndwala yakwe tembwe. Pacisila cakwe vii ala umuntu waswefiwa.

Aina Levi 14:9

Pa wanda uwalenga cinimbali nupya alinzile ukupela inyele zyonsi, vilezu vyakwe, inkopyo zyakwe nga ni pipi lyonsi ilyaya pa mwili wakwe. Alinzile ukufula insalu zyakwe nu kufulala umwili onsi, lyene ale waswefiwa.”

Aina Levi 15:13

Muntu wino wafumyanga ufila ndi walola ukuti watapola, alinzile kulolela pa manda cinimbali akuswefiwa kwakwe. Lyene afule insalu zyakwe nu kufulala umwili onsi na manzi aku kafukoka. Lyene ala waya muswepe.

Aina Levi 8:6

Lyene Mose aleka kuti Aaloni na ana yakwe iize nkolelo nga nu kufulala.

Mpendwa 6:9

Ndi cakuti umuntu wafwa mu kupumikizya, pa nsita ino umwina Nazili ali papo kwene, ale inyele zya mwina Nazili zyakowela. Acino wene alinzile kupela inyele zizyo pa wanda wa kusangululwa, uwanda uwalenga cinimbali.

Mpendwa 8:7

Na pakuyasangulula, uwacita vii. Uwayakanyila amanzi pa kuyasisizya inkota zyao. Nupya yalinzile yapele apali ponsi ku mwili wao, alino nu kufula insalu zyao zyakuzwala, ale alino yasangululwa.

Malango 21:12

Senda umwanaci wiyo ukwako, kuno ali nu kupela inyele ku mutwe wakwe, nga aputule ni ngala zyakwe zyaku minwe,

1 Petulo 3:21

Manzi yaya yali icilangililo casontelelanga ku luwatizyo luno lukumutuula ndakai. Lwene lusi wa kufulwa kwa mwili, lelo kupapatila Leza kuti yakampingu itu yaswefiwe kupitila mu kuzyukuka kwakwe Yesu Klistu kufuma ku afwe.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.