Aina Levi 14:48 - Amazwi Yakwe Leza 2013

⁴⁸ “Lelo ndi lino simapepo wiza ku kuceceta ing'anda pamulandu wa kuvuvuma, wazana ukuti kuvuvuma kutalolike mu ng'anda pacisila ca kutakasa lung'umba, lyene alinzile ukunena umwisikulu wa ng'anda ukuti ng'anda iiswepe pamulandu wakuti kuvuvuma kwatikusila.

Aina Levi 14:48 ပူးပေါင်းရင်းမြစ်များ

Yobo 5:18

Pano Leza aliwe akacisa ivilonda, nu kupozya aliwe kwene wamanya ukupozya. Wene akacisa, lelo amakasa yakwe iyapozya nu kupozya.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Aina Levi 14:3

Simapepo alinzile kumusenda kunzi ya nsakwe nu kumuceceta. Ndi cakuti ulwale wa nkanda wapola,

Aina Levi 14:43

“Kuvuvuma ndi kwaloleka nupya mu ng'anda iyo, pacisila ca kufumya mawe yavuvume nu kukolola nga nu kutakasa cipya cipya,

Aina Levi 14:47

Muntu wensi uwalambalala pansi mu ng'anda iyo nanti walilamo cakulya, alinzile ukufula insalu zyakwe.

Aina Levi 14:49

Pa kuswefya ng'anda umwisikulu wa ng'anda iyo alinzile ukutoola vyunyi viili, musambo wa cimuti ca mukelide, kasalu kayenzu, na kamusambo kakwe isopu, vyonsi atwale kuli simapepo.

Mako 5:29

Lilyo kwene cendamongo cisila, nga auvwa mu mwili wakwe ukuti wapoziwa kufuma ku ndwala yakwe.

Mako 5:34

Yesu nawe amunena ati, “Kaciwe, utailo wako wakupozya. Pita ulumi, uposiwe ku ndwala yako.”

Luka 7:21

Pa nsita kwene ilya Yesu apozya alwale aingi alwile ndwala zya misango na misango, na ali ni mipasi yankota, nga nu kuleka impafu kuti zyalola.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.