Aina Levi 14:41 - Amazwi Yakwe Leza 2013

⁴¹ Pacisila cakwe vii alinzile ukupeela ilamulo kuti yakolole lung'umba lonsi lwa mukasi ka ng'anda. Ivu lyonsi lino yakolola yakalisumbe ku citumba ca kunzi ya musumba.

Aina Levi 14:41 ပူးပေါင်းရင်းမြစ်များ

Ezaya 65:4

Apa nsita ya usiku yene yakaya uku macele nu mu malindi. Ali muno yaya yapandwa amano ku mipasi ya afwe. Lyene alino yalya kapoli nu kumwelapo umusunyi wa nyama zikowele, zino yakatuula impolelwa.

Ezekelo 26:4

Yaliza yonone amalinga ya musumba winu wa Tuli nu kuongolola impungu zinu. Nga nani ndasenda umusili, mukasyale sile kwati a cilwala.

Aina Levi 14:40

simapepo alinzile ukupeela ilamulo kuti yafumye mawe yonsi avuvume nu kuya yasumba ku citumba ca kunzi ya musumba.

Aina Levi 14:42

Lyene yatole amawe yauze yakuulile muno yafumizye mawe yavuvume. Alino yatole ivu lyuze nu kutakasa ku lung'umba.

Aina Levi 14:45

Ng'anda iyo ilinzile koomolwa. Amawe yonsi, nsondo zya ng'anda iyo, ni ivu lyonsi lyapa citalang'anda, vyonsi visendwe nu kuya visumba ku citumba ca kunzi ya musumba.

Mateo 24:51

Wene alamuvunuka cuze nupya alamusumbila ukunzi ku cifulo ca asomvi kuko kuno alalila nu kulumanya ncecete.

Mateo 8:28

Lino Yesu wafika ku mbalama yuze yakwe yemba, mu mpanga ya Gadala, antu yaili ali ni mipasi yankota yafuma ku malindi, yamukomanya. Yene yali akali cuze cakuti kutali umuntu wapitanga mu museo ulya.

1 Timoti 1:20

Imeneo na Alekizanda, antu yaa oili amuli yao aonona utailo. Yaa nayapeela mu makasa yakwe Ciwa kuti yasambilile yate yatacivwanga mazwi ya misuli kuli Leza.

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.