Aina Levi 14:3 - Amazwi Yakwe Leza 2013

³ Simapepo alinzile kumusenda kunzi ya nsakwe nu kumuceceta. Ndi cakuti ulwale wa nkanda wapola,

Aina Levi 14:3 ပူးပေါင်းရင်းမြစ်များ

2 Yamwene 5:14

Naamani ali pakuya uku luzi lwa Yodani, aitimpika mwenemo amaila cinimbali, wakwe muno Elisya walandile, nu kupola apola. Umwili wakwe Naamani iutelepa sile ningo, kwati akanya akacivyalwa, ali vino wene aswefiwa.

2 Yamwene 5:3

Lyene umukazyana wilya anena umuci wakwe Naamani ati, “Cingazipa kuti umusambazi wane apite ku Samaliya, kuti akalolane na kasema! Wene amaya akamupozye tembwe wino akweti.”

Yobo 5:18

Pano Leza aliwe akacisa ivilonda, nu kupozya aliwe kwene wamanya ukupozya. Wene akacisa, lelo amakasa yakwe iyapozya nu kupozya.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Aina Levi 13:2

“Muntu ali wensi ndi wakwata icilonda pa nkanda yakwe, nanti cipute nanti cimwi cakuipukila cino cingaomboka ukuya icilonda iciipe, ulwale wa nkanda ukaambukila, alinzile kuletwa kuli simapepo Aaloni nanti ku ana yakwe Aaloni, yasimapepo.

Aina Levi 13:46

Mulwale wiyo ali nu kuya uwamifitalila mu nsita yonsi iya ulwale wakwe. Nupya alinzile kusungwa aikale wenga kunzi ya nsakwe.

Aina Levi 14:48

“Lelo ndi lino simapepo wiza ku kuceceta ing'anda pamulandu wa kuvuvuma, wazana ukuti kuvuvuma kutalolike mu ng'anda pacisila ca kutakasa lung'umba, lyene alinzile ukunena umwisikulu wa ng'anda ukuti ng'anda iiswepe pamulandu wakuti kuvuvuma kwatikusila.

Mateo 10:8

Pozyini alwale, tutululini afwe, pozyini yakwe tembwe, mufumye ni mipasi yankota. Mwapelwa amaka yakucita vii uwila, caleka namwe kwene kacitilini antu uwila.

Mateo 11:5

Impafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Luka 4:27

Pa nsita yakwe kasema Elisya, kwali antu aingi mu Izlaeli alwile tembwe. Lelo kutali nanti wenga munoyali uwapoziwe, suka sile Naamani umwina Silya.”

Luka 7:22

Lyene anena nkombe zyakwe Yoane ati, “Pitini, mukanene Yoane vintu vino mwati mulola nu kuuvwa. Mumunene muti mpafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.