Aina Levi 14:12 - Amazwi Yakwe Leza 2013

¹² Lyene simapepo alinzile kutoola suuku wenga pamwi ni ciputulwa conga pa viputulwa vitatu vyakwe lita wa mafuta ya miolivi, nga avipele wa wila wa cizumila mulandu. Alinzile kuviswelula pa manso yakwe Yawe wa wila wakuswelula.

Aina Levi 14:12 ပူးပေါင်းရင်းမြစ်များ

Kufuma 29:22

“Utole amafuta yakwe suuku, musinda unone, amafuta andatila vyamumala, ciputulwa cisuma ca kwitima, imfyo zyoili na mafuta yakwezyo alino nu mwendo wa kwi lunji, pamulandu wakuti suuku wii impolelwa ya pakutulwa.

Kufuma 29:24

Cakulya consi cii uciike mu makasa yakwe Aaloni nu mu makasa ya ana yakwe, alino yao kwene yauswelwile pa manso yakwe ne Yawe wa wila wakuswelula.

Kufuma 29:26

“Utole inganga yakwe suuku wino yakomile pa kupolelela Aloni, alino uiswelwile pa manso yakwe Yawe wa wila wakuswelula. Ikwene aino imaya ciputulwa ca nyama yako.

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Aina Levi 14:10

Pa wanda uwalenga cinani alinzile ukuleta yasuuku yaili ni mfwele yakaci yonga, yamwaka onga, vyonsi vii vyaula ulema. Nupya alinzile ukuleta makilogalamu yatatu a usu utikinkanye na mafuta ya miolivi kuti uye uwila wa cakulya, nga ni ciputulwa conga pa viputulwa vitatu vyakwe lita wa mafuta ya miolivi.

Aina Levi 14:11

Simapepo wino akuswefya mulwale wiyo amusende pamwi ni vya mawila vyakwe pa manso yakwe Yawe, pa mulyango wi Taalu lya Ukongano.

Aina Levi 14:19

Lyene simapepo alinzile ukupeela uwila wa kwelela amaifyo, pakufuta amaifyo ya muntu wiyo wino alinzile kusangululwa ku ukowezya wakwe. Lyene simapepo alinzile kufyula inyama ya wila wakoca.

Aina Levi 5:15

Muntu umwi ndi watala mulandu mu kuntamanya, pa kuposiwa ukulipa ivyamuzilo kuli Yawe, wene alinzile ukuleta impolelwa kuli Yawe, suuku nanti sawe uwaula ulema, iye uwila wa cizumila mulandu. Umutengo wakweyo ulinzile kupimwa kulingana ni cipimo ca ku Ng'anda ikulu yakwe Leza. Ukwene uli wila wa cizumila mulandu.