Aina Levi 13:46 - Amazwi Yakwe Leza 2013

⁴⁶ Mulwale wiyo ali nu kuya uwamifitalila mu nsita yonsi iya ulwale wakwe. Nupya alinzile kusungwa aikale wenga kunzi ya nsakwe.

Aina Levi 13:46 ပူးပေါင်းရင်းမြစ်များ

2 Samueli 3:29

Si uvunuko uu uwa utazi wa katwe uye pali Yoabu na aluko lwakwe! Si nupya insita yonsi umu aluko lwakwe muce mwaya aonsi aula uwonsi, na kuti yace yafwila umu nkondo, nanti muye akasu atakweti ivyakulya.”

2 Yamwene 15:5

Yawe nawe alwalika Azaliya tembwe, nu kufwa wizile afwa ala ali nayo. Azaliya watiile ukufumila apanzi nanti akamulimo akali konsi ataombanga. Yotamu umwana wakwe aliwe wangalilanga isano nu kuteeka impanga mu cifulo cakwe.

2 Yamwene 7:3

Lyene pa wingililo wa mpongolo ya musumba ulya pali antu yani alwile tembwe. Yene yavwanzyanya yati, “Uzye pacani cino tukalu kuzingota pano mpaka tusuke tufwe?

2 Milandu 26:21

Umwene Uziya wakweti tembwe ukufika na pa wanda wa kufwa kwakwe. Pamulandu wakukwata tembwe, wene waile aikala wenga mpo mu ng'anda yuze. Nupya yamusukula ku Ng'anda ikulu yakwe Yawe. Yotamu umwanakwe umonsi uwatozile amalo akwangalila vyakwi sano nu kuteeka antu amu mpanga ilya.

Mapinda 30:12

Insiki ino ikati, ‘Swemo twazipa, lelo fwandi yataizifya aisikulu.

Nyimbo zya ndosya 1:1

Iye mwe vino umusumba wa Yelusalemu wazuuka cele. Mumo umwazile antu tupu! Umusumba uno umuntu ali wensi wazungukisyanga, lyene ali uno watiusyala wakwe mukamfwilwa. Umusumba uno wacindamisye pali yonsi, ali uno watiusanguka uwa antu yano yakuomba umulaaza.

Nyimbo zya ndosya 1:8

Yelusalemu waifya apakalamba, nga acino wataikowezya asyala tupu! Yonsi amucindikanga mpiti yatiyamusuula. Ali cino lyene akufuteka nu kuvimba apa manso pamulandu ni nsonyi.

Nyimbo zya ndosya 4:15

Antu yalaizyanga ala yakuti, “Senkini! Mwemwe yakowele! Funtukini! Funtukini! Mutatukumya!” Acino nayo ali vino yafumile nu kuutukila ku inamasi, nga kusi umwi uwayazengile.

Aina Levi 13:47

Pa nsalu ndi paya icivuvuma, pa nsalu ya mavumbu nanti yakwe pamba,

Aina Levi 14:3

Simapepo alinzile kumusenda kunzi ya nsakwe nu kumuceceta. Ndi cakuti ulwale wa nkanda wapola,

Aina Levi 23:29

Muntu ali wensi wino walya icintu icili consi pa wanda uwo, asukulwe mu antu yakwe Leza.

Luka 17:12

Lino akwingila mu muzi, antu ikumi alwile tembwe yamukomanya. Lyene iimilila katalamukila,

1 Kolinto 5:5

mulinzile kupeela muntu wiyo kuli Ciwa pakuti mwili wa muntu wiyo uce ucuziwe, nu mupasi wakwe ukatuulwe pa Wanda uno Mwene Yesu aliiza.

2 Tesalonika 3:14

Umwi uwa munomuli ndi wakana kuyela mazwi yano twamulembela muli kalata wii, muwakini nupya cenjelini nawe kuti aye ni nsonyi.

2 Tesalonika 3:6

Mwe ina itu, swemo tukumupeela ilamulo mwi zina lya Mwene witu Yesu Klistu kuti muleuke ku ina inu yonsi akasu nupya yano asyalondela utunguluzi uno twayapile.

1 Timoti 6:5

nga na lyonsi vikanza vikufuma ku antu yano myenzo yao isi ya mpomvu nupya yatakwata cumi. Yene yakaelenganya ukuti amapepo ili nzila yakuzanilamo ukama.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.