Aina Levi 11:35 - Amazwi Yakwe Leza 2013

³⁵ Cintu icili consi pano paponela icitumbi ca nyama zii ciye icamifitalila. Usi mulandu icakwelekela cingaya icitofu nanti impoto, cene cilinzile kutamolwa.

Aina Levi 11:35 ပူးပေါင်းရင်းမြစ်များ

Yobo 39:8

Wene akapitana sile umu myamba umwaya ivyakulya, nu kulondelezya vyonsi ivilembe ivya misango yonsi.

Aina Levi 11:33

Nupya ndi cakuti icitumbi ca nyama zii caponela mu nyungu imate, vyonsi vino vili mu nyungu iyo vyaya ivyamifitalila, nupya inyungu iyo mulinzile muitamole.

Aina Levi 11:34

Ndi cakuti pali ivyakulya vino mwalimukulya nomba amanzi ukufuma mu nyungu iyo yitikilapo, ivyakulya vivyo vyaya ivyamifitalila. Nanti cakumwa icili consi camu nyungu iyo icamifitalila.

Aina Levi 11:36

Lelo ndi vyaponela mu kafukoka nanti mu cifula, vyene vitangaya ivyamifitalila. Nomba icintu icili consi icingakumya ku vitumbi vya nyama zii, cimaya icamifitalila.

Aina Levi 13:52

Simapepo alinzile ukoca insalu iyo, pamulandu wakuti civuvume cikukulilako pa nsalu, cico cino cilinzile kononwa mu moto.

Aina Levi 15:12

Civiya consi ciivu cino umuntu wino akufumya ufila ku wonsi wakwe wakumya, cilinzile ukucitamola alino civiya consi ca mbao cilinzile kufulwa na manzi.”

Aina Levi 6:28

Intendo yonsi ino yelekilemo inyama iyo, ilinzile kutamolwa, lelo ndi yelekile mu mupika, ulinzile kufulwa sile nu kuusulula na manzi.