Aina Levi 11:31 - Amazwi Yakwe Leza 2013

³¹ Wino wensi uwakumya ivitumbi vya nyama zii, aye uwamifitalila kufika lino ilanzi lyawa.

Aina Levi 11:31 ပူးပေါင်းရင်းမြစ်များ

Utandiko 1:20

Nupya Leza avwanga ati, “Mu manzi kamuye viumbwa vya umi vya misango ni misango musenyantumba.” Nga ni vyunyi vyapapuka mu lwelele.

Aina Levi 11:30

celecemba, insamba, mususwe, nkulumusi, na lumvu.

Aina Levi 11:32

Nupya ndi cakuti icitumbi ca nyama zii caponela pa cintu icili consi, icintu cico ciye icamifitalila, cingaya nanti pa mbao, pa nsalu, mukwela unyuke nanti pi saaka, usi mulandu ni milimo ino icintu cico cikaomviwa. Cilinzile kuciombeka mu manzi, lelo cilaya icamifitalila kufika lino ilanzi lyawa, alino lyene cilasangululwa.

Aina Levi 11:8

Mutakezye ukulya inyama zii nanti ku kumya ivitumbi vyakwezyo. Inyama zii izyamifitalila kunomuli.

Aina Levi 14:46

Muntu wensi wino wingila mu ng'anda iyo lino yayalwa, ali nu kuya uwamifitalila kufika nu ku manguzi.

Aina Levi 15:15

Simapepo alinzile ukupeela icunyi conga ukuya uwila wa kwelela amaifyo. Lyene icunyi cuze ciye uwila wakoca. Vii, avili vino simapepo alinzile ukucita pa lutambi lwa kufuta amaifyo ya muntu wiyo pamulandu wakuti akufumya ufila ku wonsi wakwe.

Aina Levi 16:26

Muntu wiya wino wasonsilwe kuti azingile imbuzi mu lwanga kuli Azazeli, alinzile kufulala umwili onsi lino atali aswilile mu nsakwe.

Aina Levi 17:15

“Mwina Izlaeli ali wensi nanti mwinamasi wino akwikala mwi uvi lya ina Izlaeli ndi walya inyama ino yatiifwila nanti ino yatilumwa ni cilyanyi ca mpanga, alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 22:6

Simapepo ali wensi wino waya uwamifitalila alinzile ukuya uwamifitalila kufika ku manguzi. Lelo nalyo kwene atangalya impolelwa zyamuzilo suka wafulala umwili onsi.

Mpendwa 19:7

Pacisila cakwe vivyo, simapepo afule ivyakuzwala vyakwe nu mwisikulu aowe ku mwili. Lyene alino angingila mu nsakwe. Lelo ala acili mukowele mpaka ukufika na lino ilanzi lyatemba.