Aina Levi 10:9 - Amazwi Yakwe Leza 2013

⁹ “Wewe pamwi na ana yako aonsi mutalinzile kwingila mwi Taalu lya Ukongano pacisila ca kumwa waini nanti cimwi cikakola. Ndi mulacita cii, mulafwa. Isunde lii, lili nu kusungwa na amu mupanda wako onsi.

Aina Levi 10:9 ပူးပေါင်းရင်းမြစ်များ

Kufuma 27:21

Aaloni na ana yakwe aonsi yakakozya ilampi kunzi ya nsalu icinge ino yapaatula Cifulo Camuzilo ni Cifulo Camuzilo ukuluta kuno kukaikala Mbokosi ya Upangano. Lyene ilampi mwi Taalu lya Ukongano likaaka pa manso yane kutandika manguzi mpaka kufika katondo. Aina Izlaeli nga na amu mupanda wao yalinzile yasunge ilamulo lii amanda pe.”

Mapinda 20:1

Waini akatumfya, nu wengwa ulume ukaleta ulwete. Na wiyo wensi akavilondelela, iciwelewele.

Ezaya 28:7

Na yakasema kwene kumwi na yasimapepo yatiyakoleka cakuti yakupempezyoka sile apa kupita. Yene yatiyamwa wakwe cimwi waini wa matingi, pamwi nu wengwa ukalipisye, cakuti yakuuluunsya sile, caticiyapezya na mano. Yakasema yatiyakolekesya cakuti yakuposiwa nu kwilula ivilolwa vino Leza akuyalanga. Yasimapepo nayo kwene yatiyakoleka cakuti yakuposiwa nu kupingula imilandu ino antu yakuleta kunoyali.

Ezekelo 44:21

Simapepo wensi atalinzile kumwa waini uwanda uno wingila mu musolo wa mukasi.

Oseya 4:11

Yawe akuti, “Waini wampiti nanti umupya kwene, wene akaonona amano.

Aina Levi 10:8

Yawe anena Aaloni ati,

Aina Levi 3:17

Kusi mwina Izlaeli angalya amafuta nanti uwazi. Ilamulo lii lilinzile kusungwa na ina Izlaeli yonsi amanda pe, konsi kuno yalikala.’”

Mpendwa 6:20

Alino simapepo aviswelule pa manso yakwe Yawe wa wila wakuswelula. Vyene ivyamuzilo ivyapeelwa kuli simapepo, ukwikapo ni nganga pamwi nu mwendo. Pacisila cakwe vii, umwina Nazili angamwa waini.

Mpendwa 6:3

lyene alinzile atelelele kumwa waini nu wengwa. Nupya atalinzile kumwa waini musasalume nanti vyonsi visasalume vino yakafena ku matingi, nanti kulya matingi acice nanti aume.

Luka 1:15

pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

1 Timoti 3:3

Wene atalinzile kuya mukolesi nanti walwete. Lelo alinzile kuya mufuke nupya asilemanizya antu. Wene atalinzile kutemwa impiya.

1 Timoti 3:8

Yadikoni amwi uvi nao kwene yalinzile kukwata mwata usuma nupya usi nu usomvi. Yene yatalinzile kuya akolesi nanti kuya nu lwiswa lwa mpiya.

1 Timoti 5:23

Utamwa sile manzi, lelo uwamwa na waini munono kuti akwazwe munda, pano lili lingi wemo ukalwala.

Tito 1:7

Wikolo wino akatungulula iuvi wene akaangalila mulimo wakwe Leza. Caleka wene atalinzile kuya uwa mpwelo mbi. Wene atalinzile kuya akaitumika nanti musepukilwe, nanti mukolesi nanti uwalwete nanti uwalwiswa lwa mpiya.