Aina Levi 10:1 - Amazwi Yakwe Leza 2013

¹ Ana yakwe Aaloni aonsi, Nadabu na Abiu, cila muntu atoola icifutikilo, aikapo umoto nga asumbilamo ubani nu kupeela kuli Yawe. Lelo umoto uu, utali wamuzilo pamulandu wakuti Yawe atapiile ilamulo kunoyali kuti yapeele.

Aina Levi 10:1 ပူးပေါင်းရင်းမြစ်များ

1 Yamwene 18:38

Lyene Yawe Leza ali pakulenga kuti umoto upone pa kavuwa, iwoca impolelwa, inkwi, amawe nu musili, nga iumika na manzi yaya ali mu kamufolo.

Masamu 141:2

Ipepo lyane likwele kunuli wa ubani, nu kutumpula kwa makasa yane, kuye wa mpolelwa ya manguzi.

Kufuma 24:1

Pacisila lino Yawe wamala ukupeela amasunde ku ina Izlaeli anena Mose ati, “Iza, kwela mwamba kunondi, wize na Aloni, Nadabu Abiu nga na aikolo ya ntunguluzi zya ina Izlaeli amakumi cinimbali. Lino mucili katalamukila, mufukame pansi mumpepe.

Kufuma 24:9

Lyene Mose, Aloni, Nadabu, Abiu, nga na aikolo ya ina Izlaeli amakumi cinimbali yakwela mwamba,

Kufuma 27:3

Upange viya vyakuomvya pa kavuwa, ukuli kuti yapani yakuponelamo itwi, yafosyolo, ingeso zya kukanyizizya, yafoloko akulu, alino na malwangayo yakusendelamo itwi. Viya vyonsi ivya kavuwa viye vya mukuwa.

Kufuma 28:1

Yawe apeela ilamulo kuli Mose ati, “Tuma akwama munyonko Aaloni pamwi na ana yakwe aonsi, Nadabu, Abiu, Eleaza, nga na Itamali. Ali antu yano natinsolola ukufuma mu ina Izlaeli pakuti yangantumikila wakwe yasimapepo.

Kufuma 31:11

amafuta akusolwela alino nu ubani wa cinunkilo cisuma, vyonsi vivyo vyaikala mu Ncende Yamuzilo. Yakapange vintu vii vyonsi wakwe vino napeela ilamulo kunoli.”

Kufuma 37:29

Nupya apanga amafuta yamuzilo akusolwela, nga nu ubani wacinunkilo cisuma nupya uswefiwe. Mipangile ya vintu vii, yacisile wakwe vino umuntu wino akapanga amafuta acinunu cisuma akacita.

Kufuma 38:3

Nupya viombelo vyonsi vya kavuwa yavipanga nu mukuwa, ukuli kuti vyakuponelamo itwi, yafosyolo, ingeso zya kukanyizizya, yafoloko akulu alino na malwangayo akupalilapo umoto.

Kufuma 40:27

nga yafutikila ubani wa cinunkilo cisuma pa kavuwa, wakwe vino Yawe wapeezile ilamulo.

Kufuma 6:23

Aaloni watozile Elisyeba, umwana wa kaci wakwe Aminadabu, nupya uwali kaci wakwe Nasyoni. Wene wamuvyalile Nadabu, Abiu, Eleaza, na Itamali.

Kufuma 8:27

Tulinzile ukupita amanda yatatu mu lwanga ku kupeela impolelwa kuli Yawe Leza witu, ndi vino amatupeelanga ilamulo.”

Yelemiya 19:5

Nupya yatiyakuulila Baali utuvuwa utwakocela penepo ana yao wa mpolelwa. Alino nemo ku mano yane citatala caya nakweneko icakuti yangocele ana yao wa mpolelwa.

Yelemiya 32:35

Yakuuzile ni ncende ya kupepela mwenemo Baali mu cifoloma ca Beni Hinomu, apakuti amuno yacindikila Moleki, umukupisya ana yao anaci na onsi umu moto. Icintu cimwi cico cino ntatazile njanene, cino citatazile cize nu ku mano yane kuti yangacita iviipe vya mwata ndi uu nu kulenga aina Yuda ukwifya.

Yelemiya 44:15

Apakuvwa vivyo, aonsi yonsi yano yamanyile ukuti aci yao yatuuzile tuleza utwenyi ubani, alino na anaci yonsi yano yazanyilwe kweneko, ukwikapo sile na ina Yuda aikalanga uku citungu ca Patilosi umu mpanga ya Eguputo, yaasuka Yelemiya yati,

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.

Yelemiya 7:31

Nupya yatiyakuula incende umwa kumpepela mwenemo mu Cifoloma ca Beni Hinomu, umwakuti yaocelamo ana yao aonsi na anaci. Icintu cino ntatazile njanena, cino citatazile ciza nu mu mano yane.

Aina Levi 16:1

Yawe wavwanzile kuli Mose pacisila ca mfwa ya ana yakwe Aaloni yaili aonsi, yano yakomilwe lino yapezile umoto uwamifitalila kuli Yawe.

Aina Levi 16:12

Alinzile kutoola icifutikilo, azuzye makala ya moto ukufuma pa kavuwa. Alino atapule amakufi yaili ya ubani wa cinunkilo cisuma utonyoleke, alino aingile mu nsalu yakucingilila mu Ncende Yamuzilo kuluta.

Aina Levi 22:9

“‘Yasimapepo yonsi yalinzile kusunga malamulo yonsi yano napeela. Ndi yatacisile vivyo yali nu kupelwa mulandu. Nupya yangafwa pamulandu wa kuntayela malamulo yamuzilo. Nene indi Yawe, nene nkalenga kuti yaye amuzilo.

Aina Levi 9:24

Mukupumikizya Yawe atuma umoto iwoca uwila wakoca ni viputulwa vya mafuta vino vyali pa kavuwa. Lino antu yalola cii, iyapunda pamwi yonsi, nga yafukama pansi yafupime.

Mpendwa 16:46

Lyene Mose anena Aaloni ati, “Tola icifutikilo cako, uwikepo makala ya moto, nga usumbile ubani umwi penepo, nga ucincile uye ku antu nu kuyacitila ulutambi lwa kufuta amaifyo yao. Cincila! Ukali wakwe Yawe nga ni mpungo, vyativitandika mpiti.”

Mpendwa 26:61

Lelo Nadabu na Abiu yafwile lino yatwazile impolelwa kumwi nu moto uno yayinda pa manso yakwe Yawe.

Mpendwa 4:18

“Mutakaleke uluko lwakwe Koati lukapaatuluke ku ina Levi.

Malango 12:32

“Mulinzile ukucita vyonsi vino namupeela ilamulo ukucita. Mutakezye ukulunda penepo nanti ukufumya penepo icili consi.”

Malango 17:3

pakupepa nu kutumikila tuleza tuze nanti ilanzi nanti umwezi nanti intanda, vivyo ivitaine na malamulo yakwe Yawe.

Malango 4:2

Mutakezye ukulunda penepo nanti ukufumya penepo cimwi pa malamulo yano natimupeela. Mwayela amalamulo yakwe Yawe Leza winu yano natimupeela.

Ayebulai 9:4

Muu umwali kavuwa kakwe zaabu pano yocelanga ubani. Mwali (Alaka) mbokosi ya upangano ino yapomilwe na zaabu monsi kwene. Nu mukasi mwisilwe musazi wakwe zaabu muno mwali mana, nsonzo yakwe Aaloni iyawalwile maluwa, nga ni vipampa vya mawe viili ivyalemvilwepo masunde.