Aina Levi 1:4 - Amazwi Yakwe Leza 2013

⁴ Lyene aike ikasa lyakwe pa mutwe uwa wila uwo wakoca, alino Yawe alapokelela uwila uwo pakufuta amaifyo yakwe.

Aina Levi 1:4 ပူးပေါင်းရင်းမြစ်များ

Kufuma 28:38

Aaloni akazwala pa mpumi yakwe, pakuti mu musango uu, Aaloni aliwe asende maifyo ya ina Izlaeli yano yacita lino yakupeela amawila kunondi. Nani ndapokelela amawila yao. Aaloni aazwala ciyembelo pali tulibani wakwe insita zyonsi.

Kufuma 29:10

“Pacisila cakwe vii, ulete kacipambasi pa mulyango wi Taalu lya Ukongano. Lyene Aaloni na ana yakwe yike makasa yao pa mutwe wakwe kacipambasi kako.

Kufuma 29:15

“Utole wenga pali ya suuku yaili yaya, alino Aaloni na ana yakwe aonsi yike makasa yao pa mutwe wakwe suuku wiyo.

Kufuma 29:19

“Lyene utoole suuku muze wilya, nga Aaloni na ana yakwe yike makasa yao pa mutwe wakwe suuku.

Kufuma 29:33

Yakalye amawila yonsi yano yapile kunondi pakufuta amaifyo, pakuyapolelela na pa kuyapaatula. Muntu sile asi simapepo atalya, pamulandu wakuti amawila yayo amuzilo.

Ezaya 56:7

Ala anene ne Yawe nkumunena nati ndamuleta ku mwamba wane wamuzilo, mwamba wa Zioni. Ndamusansamusya mu ng'anda yane, ndapokelela impolelwa zinu zyakoca nga nazyuze zino mulaatula pa kavuwa kane. Pano ng'anda yane ali ino ilaamwa ukuti ing'anda yakupepelamo antu amitundu yonsi pyu.

Ezekelo 45:15

Pa mfwele zinu imyanda iili muli nu kutuulapo yonga. Muli nu kutuula uwila wa vyakulya, nu wa nyama zyakoca zya musuma, nu wila wa nyama izya mawila autandano pamwi, ali pakuti mwaelelwa uluse pa maifyo inu. Ivyalanda Yawe Simwandalali.

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Aina Levi 16:21

Alinzile kwika makasa yakwe yoili pa mutwe wa mbuzi iyo, alino ailongwele uyi wakwe na maifyo yakwe, na ucisanguka wa ina Izlaeli pa mutwe wa mbuzi. Pa kucita vii ale watwika vyonsi pa mutwe wa mbuzi. Lyene umuntu umwi wino watasontwa alinzile kuzingila imbuzi iyo mu lwanga.

Aina Levi 16:24

Alinzile kufulala umwili onsi lino acili mu Ncende Yamuzilo, alino azwale insalu zyakwe. Pacisila cakwe cico, alinzile kufumila panzi alino apeele impolelwa ya wila wakoca, ya lutambi lwa kufuta amaifyo yakwe na maifyo ya antu.

Aina Levi 22:21

Lino umuntu ali wensi akupeela uwila wa utandano kuli Yawe apa ng'ombe nanti imfwele nanti imbuzi, nanti ungaya uwa ufikilizyo wa mulapo nanti uwila wakuitemelwa, inyama iyo ilinzile ukuya iyaula ulema nanti ndema pakuti ipokelelwe.

Aina Levi 22:27

“Lino umwana wa ng'ombe nanti wa mfwele wavyalwa mutalinzile kumufumya kuli nyina pa manda cinimbali. Pacisila ca manda cinimbali nu kuya pa nkolelo wene angapokelelwa wa wila wakocela Yawe.

Aina Levi 3:13

Alino aike ikasa lyakwe pa mutwe wa mbuzi iyo. Alino aifyulile pa mulyango wi Taalu lya Ukongano. Pacisila cakwe vii, ana yakwe Aaloni yatole uwazi yakanyile kavuwa kukazingulusya.

Aina Levi 3:2

Muntu aikepo ikasa lyakwe pa mutwe wa ng'ombe iyo, alino aifyulile pa mulyango wi Taalu lya Ukongano. Lilyo kwene yasimapepo ana yakwe Aaloni aonsi yatole uwazi yaukanyizye ukuzingulusya kavuwa.

Aina Levi 3:8

Alino aike ikasa lyakwe pa mutwe wa mfwele iyo. Lyene aifyulile pa mulyango wi Taalu lya Ukongano. Pacisila cakwe vii, ana yakwe Aaloni yatole uwazi yakanyile kavuwa kukazingulusya.

Aina Levi 4:15

Lyene intunguluzi zi uvi ziike amakasa yakwezyo pa mutwe wakwe kacipambasi kako, pa manso yakwe Yawe. Alino akafyule pa manso yakwe Yawe.

Aina Levi 4:20

Vii avino yacite kuli cipambasi wii. Ndi vino yacisile kuli cipambasi wilya wakupeela wa wila wa kwelela amaifyo, avino yacite na wikwene. Mu musango kwene uu amuno Simapepo ali nu kupeelelamo uwila wa kufuta amaifyo ya antu, insita kwene iyo iuvi lilelelwa.

Aina Levi 4:24

Lyene yene ilinzile ukwika makasa pa mutwe wakwe sawe, imufyulile pa cifulo cino yakafyulilapo uwila wakoca pa manso yakwe Yawe. Uwo kwene uli wila wa kwelela amaifyo.

Aina Levi 4:26

Lyene amafuta yonsi ayocele pa kavuwa, wakwe vino yakacita na mafuta ya wila wa utandano. Mu musango kwene uu amuno Simapepo ali nu kupeelelamo uwila wa kufuta amaifyo ya muntu wiyo, insita kwene iyo umuntu wiyo alelelwa.”

Aina Levi 4:29

Lyene aike ikasa lyakwe pa mutwe wa mbuzi ya wila wa kwelela amaifyo. Alino aifyulile pa cifulo cino yakapelelapo uwila wakoca.

Aina Levi 4:31

Alino afumye amafuta yonsi ya mbuzi ndi vino yakafumya amafuta ya wila wa utandano. Lyene simapepo ayocele pa kavuwa kako, kuti viye uwila uwa mununko usuma ukazanzya Yawe. Mu musango kwene uu amuno Simapepo ali nu kupeelelamo uwila wa kufuta amaifyo ya muntu uwasilesile, nga insita kwene iyo umuntu alelelwa.

Aina Levi 4:33

Lyene aike ikasa lyakwe pa mutwe wa mfwele iyo ya wila wa kwelela amaifyo. Alino aifyulile pa cifulo cino yakafyulilapo uwila wakoca.

Aina Levi 4:35

Lyene afumye amafuta ya mfwele yonsi, ndi vino yakafumya amafuta ya wila wa utandano. Lyene simapepo ayocele pa kavuwa pamwi na mawila yauze akocela Yawe. Mu musango kwene uu, ndi simapepo wamala ukucita ulutambi lwa kufuta amaifyo ya muntu uwasilesile, umuntu wiyo alelelwa.

Aina Levi 4:4

Simapepo atwale kacipambasi kako pa mulyango wi Taalu lya Ukongano pa manso yakwe Yawe. Lyene aike ikasa lyakwe pa mutwe wakwe kacipambasi kako. Alino akafyulile pa manso yakwe Yawe.

Aina Levi 5:6

Na pa uvunuko wi ifyo lyakwe, wene alinzile ukuleta kuli Yawe uwila wa kwelela amaifyo, imfwele nanti imbuzi yakaci. Alino simapepo acite ulutambi lwa kufuta amaifyo ya muntu wiyo wataifya.

Aina Levi 6:7

Lyene simapepo acite ulutambi lwa kufuta iifyo lino umuntu wiyo wacita.”

Aina Levi 8:14

Lyene Mose aleta cipambasi uwa wila wa kwelela amaifyo. Alino Aaloni na ana yakwe yika makasa yao pa mutwe wakwe cipambasi wiyo.

Aina Levi 8:18

Lyene Mose aleta suuku wa wila wakoca. Alino Aaloni na ana yakwe yika makasa yao pa mutwe wakwe suuku wiyo.

Aina Levi 8:22

Lyene Mose aleta suuku wakwe ciili uwa kucita ulutambi lwa kupaka yasimapepo amafuta nu kuyapaatula. Alino Aaloni na ana yakwe yika makasa yao pa mutwe wakwe suuku.

Aina Levi 9:7

Lyene Mose anena Aaloni ati, “Yanga pipi na kavuwa, upeele uwila wa kwelela amaifyo nu wila wakoca, pakuti ucite ulutambi lwa kufuta amaifyo yako na maifyo ya ina Izlaeli. Upeele uwila wa lutambi lwa kufuta amaifyo yao, wakwe vino Yawe wapeezile ilamulo.”

Mpendwa 15:25

Alino simapepo ali nu kucitila iuvi lyonsi lya ina Izlaeli ulutambi lwa kufuta amaifyo, nga nayo yalelelwa, pamulandu wakuti kuluvyanya kuko kwacisilwe ukusi ku mufulo nga nu kuti yene yalesile uwila uwo kuli Yawe, uwa kwelela amaifyo.

Mpendwa 15:28

Simapepo nawe ali nu kumucitila ulutambi lwa kufuta amaifyo kwi iifyo lyakwe lino wacisile kusi ku mufulo, nga nawe alelelwa.

Mpendwa 25:13

Fwandi aliwe wenga sile pamwi na ana yakwe alamukonka pacisila, alasyukila ulayo uu uwa kuya yasimapepo, pamulandu wakuti wene wali nu muzonda wakucindika Leza wakwe nu kucitila aina Izlaeli ulutambi lwa kufuta amaifyo.

Mpendwa 8:10

Nga waleta aina Levi pa manso yakwe Yawe, alino lyene aina Izlaeli yaiikepo makasa pa mitwe yao.

Mpendwa 8:12

Pacisila cakwe vivyo aina Levi kwene yike amakasa yao pali yacipambasi. Alino nawe utoole cipambasi wenga nu kumufyula, umuswelwile pa manso yakwe Yawe wa wila wakuswelula maifyo yao, nga umuze nawe wa wila wakoca, kuti acitile aina Levi ulutambi lwa kufuta amaifyo.”

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Loma 3:25

Leza wamutumile Klistu kuya impolelwa kuti mu mfwa yakwe amuno maifyo ya antu yangelelwa pa kutaila munoli. Leza wacisile vii pa kulanga ukuti wene mololoke. Mpiti Leza watekanga umwenzo nu kusulako ku maifyo yano antu yacitanga.

Loma 5:11

Nupya cisi cico citupu. Tukazanga pali vino Leza wacita mu Mwene witu Yesu Klistu, uwalenga kuti tukwate kuwikizyanya na Leza.

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.

Ayebulai 10:4

Pano wazi wakwe yacipambasi ya ng'ombe nu wa mbuzi vitangafumya maifyo.

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.