Aina Levi 1:17 - Amazwi Yakwe Leza 2013

¹⁷ Pacisila cakwe vii, alepule uwila uwo pakasi, lyapa limwi ku, ni lyuze ku. Lelo kusi kufumya maapa. Lyene aoce pa moto wa nkwi pa kavuwa. Cene uli wila wakoca. Uwila uu uwa mununko usuma ukazanzya Yawe.

Aina Levi 1:17 ပူးပေါင်းရင်းမြစ်များ

Utandiko 15:10

Alino Abulamu atwalila Yawe inyama zii, aziputula pakasi nga atantika vimpilinsya mu milongo iili, cila cimpilinsya ulunga ni cuze. Ivyunyi vyene ataviputwile.

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

Masamu 16:10

Pano wemo utalansya mwi lindi, nanti kuleka muomvi wako umukundwe akalole ukuola.

Aina Levi 1:13

Lelo wene alinzile ukufula ivyamunda pamwi ni myendo kwene mu manzi. Alino simapepo atwale vyonsi vii pa kavuwa nu kuvyoca. Wene uli wila wakoca. Uwila uu uwa mununko usuma ukazanzya Yawe.

Aina Levi 2:2

Alino autwale kuli yasimapepo ana yakwe Aaloni aonsi. Atapule usu uwo utonyoleke ikufi lyonga, utikinkanye na mafuta nu ubani onsi. Lyene simapepo aoce vyonsi vivyo pa kavuwa, pakulanga ukuti iciputulwa icapeelwa kuli Yawe. Mununko usuma uwa wila uu ukazanzya Yawe.

Aina Levi 3:5

Lyene ana yakwe Aaloni yoce vyonsi vivyo pa kavuwa pamwi nu wila wakoca uno uli pa moto pa kavuwa. Uwila uu uwa mununko usuma ukazanzya Yawe.

Aina Levi 5:8

Alete vyunyi vivyo kuli simapepo, alino simapepo atandikilepo ukupeela ica wila wa kwelela amaifyo yayo. Acinyonge insingo, ataciputula umutwe.

Aina Levi 6:14

Ilamulo lya wila wa cakulya aili. Ana yakwe Aaloni yalinzile yatwala uwila uwo pa manso yakwe Yawe ku nkolelo ya kavuwa.

Aina Levi 8:21

nga atoola amanzi afula vyamunda ni myendo yonsi ya mfwele nga aoca vyonsi pa kavuwa wa wila wakoca, uwa mununko usuma ukazanzya Yawe. Ukwene uli wila wakocela Yawe, wakwe vino Yawe wapeezile ilamulo kuli Mose.

Aina Levi 9:13

Yamupeela vimpilinsya vya wila wakoca, conga conga, kwikako nu mutwe. Vyonsi avyoca pa kavuwa.

Mpendwa 15:3

na lino yakupeela kuli Yawe amawila yakoca pa moto ukufuma mu ufyo wa mfwele nanti uwa mbuzi, cingaya amawila yakoca nanti impolelwa yakufikilizya ulayo, nanti tuti amawila yano aisikulu yaitemilwe ukupeela, nanti amawila yakucindika kuzevya kwa manda yao akulu aupefi, nanti uwila wa mununko usuma ukazanzya Yawe.

Mpendwa 28:8

Imfwele yakwe ciili, suuku, uli nu kumupeela wa mpolelwa yakoca amanguzi apali pamwi nu wila wa vyakulya ni vyakumwa ndi muno cimayelanga mu katondo. Uu, uli wila uwakocela Yawe, uwa mununko usuma ukazanzya Yawe.

Mateo 27:50

Lyene Yesu alaizya ni zwi likulu, nga afwa.

Yoane 19:30

Lelo lino Yesu wafyompako, avwanga ati, “Casila!” Alino ainama nga afwa.

Loma 4:25

Leza wapile Yesu kuti afwe pamulandu wa maifyo itu, nupya uwamuzyukwile kuti aye nu umi, pakuti atucite kuya aololoke pa manso yakwe.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.