Aina Levi 1:13 - Amazwi Yakwe Leza 2013

¹³ Lelo wene alinzile ukufula ivyamunda pamwi ni myendo kwene mu manzi. Alino simapepo atwale vyonsi vii pa kavuwa nu kuvyoca. Wene uli wila wakoca. Uwila uu uwa mununko usuma ukazanzya Yawe.

Aina Levi 1:13 ပူးပေါင်းရင်းမြစ်များ

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

2 Milandu 4:6

Lyene alino yapangila penepo na mabeseni nayauze ukulingana ni kumi lyonga. Visano iyavitekela ukwi kasa lilunji, vyuze ukwimani. Ali muno yafulanga inyama zyonsi zino yapelanga wa mawila yakoca. Yasimapepo ali yano yafulanga inyama zizyo umwi tanki likalamba.

Ezekelo 40:38

Kwali kweneko nu muputule, umulyango wauko wali umuputule wakwingililamo uwa mpongolo. Ali muno yafulilanga impolelwa zyakoca.

Aina Levi 1:9

“‘Lelo wene alinzile ukufula ivyamunda pamwi ni myendo kwene mu manzi. Alino simapepo aocele inyama yonsi pa kavuwa. Yene uli wila wakoca. Uwila uu uwa mununko usuma ukazanzya Yawe.

Aina Levi 2:11

“‘Amawila ya cakulya yano ukupeela kuli Yawe utalinzile ukwikamo icitutumusi, pamulandu wakuti utalinzile ukoca icitutumusi cili consi nanti uuci wa wila wakocela Yawe.

Aina Levi 2:2

Alino autwale kuli yasimapepo ana yakwe Aaloni aonsi. Atapule usu uwo utonyoleke ikufi lyonga, utikinkanye na mafuta nu ubani onsi. Lyene simapepo aoce vyonsi vivyo pa kavuwa, pakulanga ukuti iciputulwa icapeelwa kuli Yawe. Mununko usuma uwa wila uu ukazanzya Yawe.

Aina Levi 3:5

Lyene ana yakwe Aaloni yoce vyonsi vivyo pa kavuwa pamwi nu wila wakoca uno uli pa moto pa kavuwa. Uwila uu uwa mununko usuma ukazanzya Yawe.

Aina Levi 4:31

Alino afumye amafuta yonsi ya mbuzi ndi vino yakafumya amafuta ya wila wa utandano. Lyene simapepo ayocele pa kavuwa kako, kuti viye uwila uwa mununko usuma ukazanzya Yawe. Mu musango kwene uu amuno Simapepo ali nu kupeelelamo uwila wa kufuta amaifyo ya muntu uwasilesile, nga insita kwene iyo umuntu alelelwa.

Aina Levi 6:14

Ilamulo lya wila wa cakulya aili. Ana yakwe Aaloni yalinzile yatwala uwila uwo pa manso yakwe Yawe ku nkolelo ya kavuwa.

Aina Levi 8:21

nga atoola amanzi afula vyamunda ni myendo yonsi ya mfwele nga aoca vyonsi pa kavuwa wa wila wakoca, uwa mununko usuma ukazanzya Yawe. Ukwene uli wila wakocela Yawe, wakwe vino Yawe wapeezile ilamulo kuli Mose.

Mpendwa 15:3

na lino yakupeela kuli Yawe amawila yakoca pa moto ukufuma mu ufyo wa mfwele nanti uwa mbuzi, cingaya amawila yakoca nanti impolelwa yakufikilizya ulayo, nanti tuti amawila yano aisikulu yaitemilwe ukupeela, nanti amawila yakucindika kuzevya kwa manda yao akulu aupefi, nanti uwila wa mununko usuma ukazanzya Yawe.

Mpendwa 15:4

Lyene umuntu wino waleta uwila wakwe alinzile ukupeela uwila wa cakulya pa kavuwa kuli Yawe. Vivyo vilinzile vyaya icitundu ca usu wa ngano utonyoleke utikinkanye na lita wenga uwa mafuta ya miolivi.

Mpendwa 28:11

“Pa wanda wakutandika umwezi, muce mwafyulila Yawe inyama zya wila wakoca, yacipambasi yaili, suuku wenga, utwana cinimbali utwa mfwele utwa mwaka onga nupya ututakweti ulema nanti umwi.

Mpendwa 28:8

Imfwele yakwe ciili, suuku, uli nu kumupeela wa mpolelwa yakoca amanguzi apali pamwi nu wila wa vyakulya ni vyakumwa ndi muno cimayelanga mu katondo. Uu, uli wila uwakocela Yawe, uwa mununko usuma ukazanzya Yawe.

Malango 12:27

Ali kuno muce mwatuula amawila inu akoca pa kavuwa kakwe Yawe Leza winu, inyama nu wazi kwene. Alino muce mupongolwele uwazi wa mawila inu apambali ya kavuwa, lelo inyama yene mungalya.