2 Yamwene 7:2 - Amazwi Yakwe Leza 2013

² Lyene inkombe iyasukilile umwene inena kasema wilya iti, “Cico citange citale cicitike nanti panono, nanti sile Yawe umwisikulu angatuponyezya imvula.” Lelo Elisya aasuka ati, “Wemo ulailolela na manso yako kuno icintu cii cikucitika, lelo utalalya nanti kamwi apa cakulya cico!”

2 Yamwene 7:2 ပူးပေါင်းရင်းမြစ်များ

Utandiko 7:11

Lino Nowa wafika imyaka imyanda mutanda pa wanda uwalenga ikumi na cinimbali uwa mwezi uwalenga iili, maziya ya muli yayemba yafukoka amanzi, ni vipongo vya mwiyulu navyo viyulika, na manzi yaafuma.

2 Yamwene 5:18

Lelo nkutaila ukuti Yawe amanjelelanga uluse lilyo lyonsi lino namasukililanga umwene wane wa ina Asilya umu ng'anda ikulu yakupepelamo Limoni, kaleza kaluwi ka ina Asilya, lino nani kwene namayanga mwenemo mu kupepa. Icumi nkuti Yawe Leza anjelela kweneko uluse.”

2 Milandu 20:20

Lyene antu kwene yayo iyazyuka katondotondo nu kulungama ku mutengo wakwe Tekoa. Lino yakufuma, Yeosafati aimilila pa mulyango ati, “Tuini tuvwe swe antu aku Yuda na swensi swe ikazi amu Yelusalemu. Tailini Yawe Leza winu, nupya musipe. Tailini yakasema yakwe alino muli nu kucimvya.”

Masamu 78:41

Lili lili yamusonsombanga nu kuleka Wamuzilo wa ina Izlaeli asoke.

Ezaya 7:9

Impanga yakwe Efulemu yaluta Samaliya, nga Samaliya atalusile umwene Peka. Ndi mutakomile mu utailo winu, cumi mutalazizimizya.’”

Yelemiya 29:32

Fwandi lyene namafulula Syemaya umwina Neelamu kumwi na akazi kakwe. Apa antu yakwe Aonsi patalasyala nanti wenga mu mutundu uu, wino alikala umupuma nu kulola isyuko lino ndapeela ku mutundu wane. Pasi pano wene wasambilizya antu vya kutalamila Yawe.’” Ivyalanda Yawe.

Malaki 3:10

Ndetelini icikumi consi uku Ng'anda yane ikulu, pakuti mu Ng'anda ikulu yane muye ivyakulya. Lyene njezini mulole ndi ntangayula inzota umwiyulu nu kumupongolwela upolelelo nyanya wakwe cimwi.

Mpendwa 11:13

Aukwi kuno ningafumya inyama yakuti antu yaa yonsi yalye? Pasi pano akuli nene akuno yakulilila yati, ‘Tupele inyama tulye!’

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

Loma 3:3

Nanti angala yamwi munoyali yatali akutailwa, uzye kuntaya akutailwa ukungalanga ukuti Leza nawe ataya uwakutailwa?

Malango 3:27

Yanga papela ya Mwamba wa Pisiga ucecete lwaku katutu nu ku kaeya, nu ku ufumondaka nu ku uwondaka. Ukacecete ningo vintu vino umaya ukalole, pamulandu wakuti utalasya nupya ulambe imbalama ya Luzi lwa Yodani.

2 Timoti 2:13

Ndi tusi akutailwa, wene amatwalilila kuya uwakutailwa pano wene atangaisomba.”