2 Yamwene 4:4 - Amazwi Yakwe Leza 2013

⁴ Alino lyene wewe pamwi na ana yako aonsi mukaiyalile mu ng'anda, ale mukuminzulula amafuta mu misazi ino mwatimwazima. Umusazi uno wazula imufumya zuwazuwa imuwika apambali.”

2 Yamwene 4:4 ပူးပေါင်းရင်းမြစ်များ

2 Yamwene 4:3

Elisya ali pakumunena ati, “Pitanga ku inipamba, ukazime imisazi iingi sana, umusi nanti cimwi.

2 Yamwene 4:5

Mukamfwilwa wiyo ali vino aya aingila mu ng'anda pamwi na ana yakwe aonsi, nga ayala cisasa. Yamuletela imisazi nga nawe atwalilila kupongolwelamo amafuta.

Ezaya 26:20

Mwe antu yane aleni ingilini mu ng'anda inu, muyale ni visasa. Mufisame apa kasita kanono cisuke icipyu cakwe Leza cisile.

Mateo 6:6

Lelo mwemo, lino mukupepa, ingilini mu muputule winu uwa mukasi, nga lino mwayala cisasa, mupepe kuli So asyaloleka. Na So akalola vino mukacita mu nkama alamupeela cilambu.

Mako 5:40

Lelo yene yamuseka. Pacisila ca kufumya antu yonsi panzi, atoola isi na nyina wa mwana pamwi na alondezi yakwe yatatu, iingila mu muputule muno mwana wali.

Yoane 6:11

Yesu atoola mikate ataizya kuli Leza, nga aankanya antu yano atenzi penepo. Mu musango uli onga atoola inswi ataizya kuli Leza, nga aankanya antu suka vikumana mu antu yonsi kulingana na vino yalondanga.

Milimo 9:40

Lyene Petulo afumya yonsi mu muputule, afukama pansi apepa. Alino aseleukila ku cala ati, “Tabita, katuka!” Lyene Tabita azyuka, nga lino walola Petulo, akatuka.

Efeso 3:20

Ndakai lulumbi luye kuli Leza, wino ali na maka akucita munotuli vintu vilusile vino tungalenga nanti vino tungelenganya.