2 Yamwene 3:3 - Amazwi Yakwe Leza 2013

³ Lelo nanti cali vivyo wene wemelile ku kucita iviipe ndi vino Yeloboamu, umwana umonsi wakwe Nebati wacitanga, vivi kwene vino walenzile aina Izlaeli ukucita. Nupya atatiile ukucita vivyo awe.

2 Yamwene 3:3 ပူးပေါင်းရင်းမြစ်များ

1 Yamwene 13:33

Pacisila ca milandu yonsi iyo, Yeloboamu umwene waku Izlaeli atatiile imisango yakwe iipe. Wene watwalilile ukwika na antu pali usimapepo apa ncende zino yakapepela mwenemo, yao atalinzile. Wensi wino umweneco watemwa amupeela usimapepo wa pa kavuwa.

1 Yamwene 14:16

Acino Yawe alatazyela aina Izlaeli pamulandu wa maifyo yano Yeloboamu wacita, yaya kwene yano walenzile kuti na ina Izlaeli kwene yifye.”

1 Yamwene 14:9

Lelo wemo wacita iviipe kuluta yayo yonsi akukolelile ukuteeka. Wemo wamfutatila pakuipangila tuleza tuze, nu unkolanya wa vyela kuti wayapepa.

1 Yamwene 15:26

Wene wifyanga pa manso yakwe Yawe, nu kulondela umu nzila zyakwe isi nu mu maifyo yakwe yano walenzile aina Izlaeli ukwifya.

1 Yamwene 15:34

Wene wifyanga pa manso yakwe Yawe, nu kulondela imisango yakwe Yeloboamu nu kucita amaifyo yano walenzile na aina Izlaeli kwene ukwifya.

1 Yamwene 16:31

Wene walondesyanga ukwifya ukuluta vino Yeloboamu wifizye. Acino wapitilizye ukwifya pakutwala Yezebele umwana umwanaci wakwe Etibaali umwene wa ina Sidoni, nu kutandika kupepa Baali.

2 Yamwene 13:11

Wene wifyanga pa manso yakwe Yawe nupya atatiile ukucita iviipe vino Yeloboamu umwana wakwe Nebati wacitanga, vivi kwene vino walenzile aina Izlaeli ukwifya.

2 Yamwene 13:2

Wene wifyanga pa manso yakwe Yawe. Atatiile iviipe vino Yeloboamu umwana wakwe Nebati wacitanga, nupya walenzile na ina Izlaeli kwene ukwifya mu musango uli umwi kwene.

2 Yamwene 13:6

Lelo kwene aina Izlaeli yatatile ukucita ivintu iviipe vino umwene Yeloboamu wasile wayakomelezya. Iyatwalilila nu kupeela intaizyo kuli ka Asyela. Nga nu unkolanya wakwe Asyela nao wasile mumu kwene mu Samaliya.

2 Yamwene 14:24

Wene wifyanga pa manso yakwe Yawe nupya atatiile ukucita iviipe vino Yeloboamu umwana umonsi wakwe Nebati wacitanga, vivi kwene vino walenzile aina Izlaeli ukwifya.

2 Yamwene 15:18

Wene wifyanga pa manso yakwe Yawe. Wene walondelanga imisango yakwe Yeloboamu umwana wakwe Nebati, nu kucita amaifyo yano walenzile na ina Izlaeli kwene ukwifya.

2 Yamwene 15:9

Wene wifyanga pa manso yakwe Yawe, ndi vino ivikolwe vyakwe vyacitanga. Lelo Zakaliya atatelelile ukucita iviipe ndi vino Yeloboamu umwana wakwe Nebati wacitanga, vivyo vino walenzile na ina Izlaeli kuti yaifya.

2 Yamwene 17:21

Pacisila cakwe Yawe ukupaalukanya aina Izlaeli na Ayuda, aina Izlaeli yasonsile Yeloboamu ukuya umwene wao. Yeloboamu wiyo uwalesile kuti yasye Yawe, nu kuyatwala umu nkota zimwi izikulu!

2 Yamwene 17:22

Aina Izlaeli yakonsile Yeloboamu vivyo kwene nu kutwalilila ukucita amaifyo yano umwisikulu wapanzile.

2 Yamwene 17:23

Suka apakusyalikizya Yawe ayafuntusya uku cinso cakwe ndi muno walanga walandila ukupitila muli yakasema aomvi yakwe. Ali vino aina Izlaeli yasenzilwe ukunzi umu uzya uku Asilya kuno yacili yakaikala na ndakai kwene.

2 Yamwene 21:16

Antu aula umulandu, yano Manase wakomile, yali anyanya umwi, icakuti uwazi wao wakonkolokanga umu tumiseo twamu Yelusalemu. Icintu cico calunzile sile pali vino wene walesile kuti aikazi amu Yuda yapepa utuluwi nu kucita ivintu vyawinyi vyuze apa manso yakwe Yawe.

2 Yamwene 23:15

Yosiya wononyile ni ncende ya kupepela mwenemo utuluwi, iyayelile mu musumba wa Betele, ino Yeloboamu umwana wakwe Nebati wakuuzile. Yeloboamu wiyo uwalenzile ukuti aina Izlaeli yonsi nayo yaifya. Yosiya atamola utuvuwa tonsi, kumwi namawe kwene yano yakuulile ayasyunola nu kuyasyunola. Nupya ayoca kumwi nu lucesi ulu cindame sana luno yaomvyanga apa kupepa Asyela.