2 Yamwene 2:3 - Amazwi Yakwe Leza 2013

³ Iumba lyakwe yakasema aikalanga ku Betele yiza kuli Elisya nga yamuzya yati, “Uzye umanyile ukuti ilelo Yawe aizile senda umusambazi wako ukufuma kunuli?” Elisya nawe aasuka ati, “Mukwai, manyile. Lelo mutalanda pali cii.”

2 Yamwene 2:3 ပူးပေါင်းရင်းမြစ်များ

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

1 Yamwene 20:35

Uwanda umwi Yawe apeela ilamulo ku muntu umwi, wenga uwamuli yakasema, kuti anene umuze ati, “We, si ngume.” Lelo umuze akana.

2 Yamwene 2:15

Iumba lyakwe yakasema afumile ku Yeliko yalola kuno Elisya akulamba, nga yavwanga yati, “Amaka yakwe Eliya yingila muli Elisya.” Alino yaya ku kumukomanya, nga yakontamika ivinso vyao inkolelo yakwe Elisya.

2 Yamwene 2:5

Iumba lyakwe yakasema aikalanga ku Yeliko yiza kuli Elisya nga yamuzya yati, “Uzye umanyile ukuti ilelo Yawe aizile senda umusambazi wako ukufuma kunuli?” Elisya nawe aasuka ati, “Mukwai, manyile. Lelo mutalanda pali cii.”

2 Yamwene 2:7

Antu amakumi yasano amwi umba lyakwe yakasema yaya yimilila katalamukila, yalozya amanso pa ncende ino Eliya na Elisya yaile yimilila pa cituntu ca luzi lwa Yodani.

2 Yamwene 4:1

Uwanda umwi mukamfwilwa, uwali umuci wakwe wenga uwamuli yakasema, aya kuli Elisya nga amunena ati, “Mwamanya ukuti uwane wafwa, nupya wali umuomvi winu. Lyene fwandi kwati kwiza umuntu umwi wino uwane wakongwile impiya. Lelo ndakai wene akulonda kuti asendele penepo ana yane yaili kuti akayacite azya yakwe, wa malipilo pa nkongole zya wane. Mwamanyile na vino uwane wali umuntu umwi uwoopanga Yawe.”

2 Yamwene 4:38

Elisya aswilila ku Giligali, nga pa nsita ilya kwali cipowe mu mpanga ilya. Wanda umwi lino Elisya wasambilizyanga iumba limwi lyakwe yakasema, anena umuomvi wakwe ati, “Teka intendo ikulu sana pa moto, kuti welekele yakasema vyakulya.”

2 Yamwene 5:22

Geazi nawe aasuka ati, “Kuli cele. Umusambazi wane Elisya aliwe wantuma kwiza kunena ukuti watapokelela aenyi yaili, yakasema ukufuma ku mpanga yakwe Efulemu iya myamba. Ali cino akupapata kunuli kuti ungamupeela ulupiya lwakwe siluva ukulingana amazimbi yatatu, ukwika penepo na mataaka yaili a nsalu.”

2 Yamwene 6:1

Iumba lyakwe yakasema yano Elisya watungululanga ilitandika ukuinong'onya liti, “Ing'anda muno tukakonganila yaticepa!

2 Yamwene 9:1

Walanga papita akasita, kasema Elisya aama wenga wa muli yakasema nga amunena ati, “Iteyanye ukuya ku Lamoti mu mpanga yaku Gileadi, usende nu musazi wa mafuta.

Ezaya 8:18

Nemo indi pano, pali ponga na yayo yano Leza wampela. Yawe Wamaka yonsi, wino icilimba cakwe ca wene cayela apa mwamba wa Zioni, sweswe tuli yakambone yampomvu yano watuma ku kusinila aina Izlaeli.

Amosi 7:14

Amosi aasuka Amaziya ati, “Nemo insi kasema nanti panono, nanti umwi uwa mwi umba lyakwe yakasema. Lelo nemo nene kacema wa mfwele nupya nene mulimi wa matingi.”

Milimo 22:3

“Nene Muyuda, uwavyalilwe mu Taliso muzi uwamu Kilikya, lelo nakulila kuno mu Yelusalemu. Gamalieli uwali kasambilizya wane. Nasambilile ningo masunde ya vikolwe vitu, nupya naipela cuze kuli Leza ndi vino mwensi mukacita, mwemuno muli pano ilelo.

Malango 33:3

Yawe watemwa antu yakwe nupya akacingilila akwakwe Acino twafukama pa ngazo zyakwe nu kuyela amasunde yakwe.

1 Samueli 10:5

“Pacisila cakwe vivyo umaya ukaluleme nu kuya ku Gibeya, umwamba wakwe Leza kuko kuno kuli nkambi ya ina Filisti. Lino umaya ukapalame ku musumba, waya komenkanya akaliumba kakwe yakasema yano yakuweluluka ukufuma ku kavuwa pa mwamba. Lilyo ale yakulizya yabanjo, tungoma, imitolilo nga na yababatoni, alino nu kusema ale yakusema.

1 Samueli 19:20

Saulo nawe pali pakutuma antu yamwi akuyalema Davidi. Lino sile yafika yalola nakuno iumba lyakwe yakasema yakusema, ale Samueli aimi papa akuyatungulula, Mupasi wakwe Leza wikila pa antu yakwe Saulo nga nayo kwene iyasema.