2 Yamwene 15:4 - Amazwi Yakwe Leza 2013

⁴ Nga lelo incende zino yakapepela mwenemo zyene atazyononyile foo. Antu nayo yatwalilile ukupeelela impolelwa nu kocela ubani ku ncende zizi kwene.

2 Yamwene 15:4 ပူးပေါင်းရင်းမြစ်များ

1 Yamwene 15:14

Nanti angala Asa atononyile ncende zino yapepelanga mwenemo, wene watwalilile kuya uwacumi kuli Yawe mu manda yonsi aumi wakwe.

1 Yamwene 22:43

Yeosafati wacitanga ivintu ivisuma pa manso yakwe Yawe, wakwe vino isi Asa wacitanga. Lelo wene atononyile incende zino antu atamanya Leza yapepelanga penepo. Nupya antu yatwalilile ukupeelela penepo impolelwa nu kocela ubani ku ncende zizi kwene.

2 Yamwene 12:3

Lelo kwene incende zino yakapepela mwenemo yatazyononyile foo. Na antu nayo yatwalilile ukupeelela penepo impolelwa nu kocela ubani ku ncende zizi kwene.

2 Yamwene 12:4

Mu nsita kwene ilya Yoasyi ali pakupeela ilamulo kuli yasimapepo ati, “Ulupiya ulumafumanga mu wila uo uno yakupeela ku Ng'anda ikulu yakwe Yawe, luno yapimila cila muntu ukuleta, na zino cila muntu akaipingula ukupeela pa utailo wakwe,

2 Yamwene 14:4

Ata ongolwile incende zino yakapepela mwenemo. Na antu nayo yatwalilile sile vivi kwene ukupeelela penepo impolelwa nu kocela ubani ku ncende zizi kwene.

2 Yamwene 15:3

Azaliya wacitanga ivintu ivisuma pa manso yakwe Yawe, ndi vino isi Amaziya wacitanga.

2 Yamwene 15:34

Yotamu wacitanga ivintu ivisuma pa manso yakwe Yawe, ndi vino isi Uziya wacitanga.

2 Yamwene 15:35

Lelo incende zino yakapepela mwenemo utuluwi yatazyononyile foo. Nupya antu yatwalilile ukupeelela impolelwa nu kocela ubani ku ncende zizi kwene. Yotamu akuululula impongolo yakupeela ya Ng'anda ikulu yakwe Yawe.

2 Yamwene 18:4

Watamozile incende zyonsi izyakupepela mwenemo tuleza tuluwi. Watamozile na mawe yano yimikanga nu konona amaunkolanya yonsi yakwe kaleza kanaci ka Asyela. Alino watamile ni nzoka ya cela ino Mose wimikemo, pasi pano ukufika na pa nsita kwene ilya aina Izlaeli yatwalilile ukuyocela ubani. Inzoka kwene iyo apakuicindika yayamanga iyati Neusyitani, iyo ino ukufika na pa kasita kako aina Izlaeli yocelanga ubani.

2 Milandu 17:6

Umwene nawe ali pakukomeleka ukutumikila Yawe. Ukulunda pali cico, aonona incende zyonsi zino yapepelanga penepo utuluwi, atamola ni vimanyililo vyakwe Asyela umu mpanga ya Yuda.

2 Milandu 32:12

Uzye asi aliwe kwene uwatamozile incende zya kupepela mwenemo kumwi nu tuvuwa, nu kunena antu yamwi amu Yuda nu mu Yelusalemu ukuti yapepela Yawe nu kumocela ubani apa kavuwa konga sile?

2 Milandu 34:3

Umu mwaka wakwe cinani uwa kuteeka kwakwe Yosiya, ale acili sile akalumendo ka myaka ikumi na mutanda, wene watandike ukupepa nu kucindika sana Yawe Leza wakwe Davidi icikolwe cakwe. Ipapita sile imyaka ini, atandika ukutamola incende zizi muno yapepelanga tuleza utuluwi kumwi nu unkolanya wakwe ka leza kanaci ka Asyela. Atamola nu tuluwi tuze tonsi utwasyala.