2 Yamwene 15:3 - Amazwi Yakwe Leza 2013

³ Azaliya wacitanga ivintu ivisuma pa manso yakwe Yawe, ndi vino isi Amaziya wacitanga.

2 Yamwene 15:3 ပူးပေါင်းရင်းမြစ်များ

1 Yamwene 15:11

Asa wacisile ivisuma pa manso yakwe Yawe, ndi vino Davidi icikolwe cakwe wacisile.

2 Yamwene 15:2

Wene wali ni myaka yakuvyalwa ikumi na mutanda apa nsita ino watandike ukuteeka, nga wateesile mu Yelusalemu imyaka amakumi yasano na iili. Nyina wali a Yekoliya, nupya wafumile umu Yelusalemu kwene.

2 Yamwene 15:34

Yotamu wacitanga ivintu ivisuma pa manso yakwe Yawe, ndi vino isi Uziya wacitanga.

2 Yamwene 15:4

Nga lelo incende zino yakapepela mwenemo zyene atazyononyile foo. Antu nayo yatwalilile ukupeelela impolelwa nu kocela ubani ku ncende zizi kwene.

2 Milandu 26:3

Uziya wali ni myaka yakuvyalwa ikumi na mutanda apa nsita ino watandike ukuteeka, nga wateesile mu Yelusalemu imyaka amakumi yasano na iili. Nyina wali a Yekoliya, uwaku Yelusalemu.

2 Milandu 26:4

Wene wacitanga ivintu ivisuma pa manso yakwe Yawe, ndi vino isi Amaziya wacitanga.