2 Yamwene 13:6 - Amazwi Yakwe Leza 2013

⁶ Lelo kwene aina Izlaeli yatatile ukucita ivintu iviipe vino umwene Yeloboamu wasile wayakomelezya. Iyatwalilila nu kupeela intaizyo kuli ka Asyela. Nga nu unkolanya wakwe Asyela nao wasile mumu kwene mu Samaliya.

2 Yamwene 13:6 ပူးပေါင်းရင်းမြစ်များ

1 Yamwene 14:16

Acino Yawe alatazyela aina Izlaeli pamulandu wa maifyo yano Yeloboamu wacita, yaya kwene yano walenzile kuti na ina Izlaeli kwene yifye.”

1 Yamwene 15:3

Abiya wene wacisile amaifyo yonsi yano isi wacisile. Wene atali uwacumi kuli Yawe nu mwenzo onsi, ndi vino Davidi icikolwe cakwe cali.

1 Yamwene 16:26

Wene walondelile imisango yonsi yakwe Yeloboamu umwana wakwe Nebati, nga nu mwi ifyo lino wene walenzile kuti aina Izlaeli yacite. Na pakucita cico, yene yalenzile Yawe, Leza wa ina Izlaeli kusoka, pamulandu wa kupepa tuluwi twao.

1 Yamwene 16:33

Alino mu ng'anda kwene iyo, Aabu aikamo unkolanya wakwe Asyela. Mu musango kwene uwo Aabu acita ivintu ivivule vyakulenga Yawe, Leza wa ina Izlaeli ukusoka, ukuluta pali vivyo ivyacisile Yamwene aku Izlaeli yonsi amukolelile.

2 Yamwene 10:29

Lelo Yeu atatelelile ukucita iviipe vino umwene Yeloboamu umwana wakwe Nebati wacitanga, vivyo vino walenzile kuti na ina Izlaeli yacita. Atatiile kupepa utwana twa ng'ombe twakwe zaabu ku Betele nu ku Dani.

2 Yamwene 13:11

Wene wifyanga pa manso yakwe Yawe nupya atatiile ukucita iviipe vino Yeloboamu umwana wakwe Nebati wacitanga, vivi kwene vino walenzile aina Izlaeli ukwifya.

2 Yamwene 13:2

Wene wifyanga pa manso yakwe Yawe. Atatiile iviipe vino Yeloboamu umwana wakwe Nebati wacitanga, nupya walenzile na ina Izlaeli kwene ukwifya mu musango uli umwi kwene.

2 Yamwene 17:16

Yonona amasunde yakwe Yawe Leza wao yonsi, yapanga ivimumbwa vya ng'ombe, yacipambasi yaili avyela, avino yamafukamila nu kupeela ntaizyo kuno vili. Yapanga nu unkolanya wakwe kaleza kanaci ka Asyela, nu kupepa intanda nu kuombela Baali.

2 Yamwene 18:4

Watamozile incende zyonsi izyakupepela mwenemo tuleza tuluwi. Watamozile na mawe yano yimikanga nu konona amaunkolanya yonsi yakwe kaleza kanaci ka Asyela. Alino watamile ni nzoka ya cela ino Mose wimikemo, pasi pano ukufika na pa nsita kwene ilya aina Izlaeli yatwalilile ukuyocela ubani. Inzoka kwene iyo apakuicindika yayamanga iyati Neusyitani, iyo ino ukufika na pa kasita kako aina Izlaeli yocelanga ubani.

2 Yamwene 21:3

Wene wakuululwile incende zyakupepela mwenemo utuluwi, zino isi Hezekiya wasile watamola. Wakuulile Baali kavuwa nu kupangila Asyela ulucesi, wakwe vivi kwene vino Aabu, umwene waku Izlaeli wacisile. Manase wapepanga ni ntanda kwene.

2 Yamwene 23:4

Nga lyene Yosiya anena Simapepo Mukulu Hilikiya, na yasimapepo alondelela penepo, na yakalinda ya pa mulyango wa Ng'anda ikulu yakwe Yawe, yao ali apa ncito kuti yangafumya iviya vyonsi umu Ng'anda ikulu yakwe Yawe, ivyaomviwanga apa kupepa Baali, na Asyela, ni ntanda. Yosiya ali pakuvisenda vyonsi nu kuyavyocela ukunzi ya musumba umu pipi ni Cifoloma ca Kiduloni. Alino atoola itwi lyonsi pyu, nga alitwala uku musumba wa Betele.

Ezaya 26:10

Kwene nanti wemo ukalyombeleka antu aipe, awe cumi yene yasiezya ukucita ivilungame nanti panono. Nanti sile umu nsi ya antu akazifya, namo kwene icili conga sile, yakakana ukuzumila uwene wa ukulu wako.

Malango 7:5

Acino muce momolole utuvuwa twao, mutamole viumbili vya mawe, nu kuputola incesi zyakwe Asyela, kaleza kanaci, nga nu koca utuluwi twao tonsi.