2 Yamwene 13:1 - Amazwi Yakwe Leza 2013

¹ Umu mwaka walenga amakumi yaili na itatu wa kuteeka kwakwe Yoasyi umwana wakwe Aaziya umwene waku Yuda, Yeowazi umwana umonsi wakwe Yeu walasikwe pa cilimba ca wene waku Izlaeli mu Samaliya, nga wateesile imyaka ikumi na cinimbali.

2 Yamwene 13:1 ပူးပေါင်းရင်းမြစ်များ

2 Yamwene 10:30

Yawe anena Yeu ati, “Pamulandu wakuti wacitila amu mupanda wakwe Aabu mu musango uno nemwisikulu nakunena kuti ucite, ali cino fwandi nakulaya ukuti ana yako ku kwizafika nu ku mukulo uwalenga cini, ali yano yamayanga aene mu mpanga ya Izlaeli.”

2 Yamwene 11:21

Yoasyi wali ni myaka cinimbali lino watandike ukuteeka.

2 Yamwene 11:4

Lelo mu mwaka wakwe cinimbali simapepo Yeoyada atuma akuya ama yamusika akalamba ya vita alindanga namwene alino na yakalinda ya kwisano. Nayo ali pakwiza ku ng'anda ya kupepela mwenemo. Alino Yeoyada apangana nayo upangano ayanena na kuti yalape pa manso yakwe Yawe uku Ng'anda ikulu yakwe Yawe. Lyene ali pakuyalanga Yoasyi umwana wa mwene wino wafisile.

2 Yamwene 12:1

Mu mwaka walenga cinimbali wa kuteeka kwakwe Yeu, Yoasyi walasikwe pa cilimba ca wene, nga wene wateesile mu Yelusalemu imyaka amakumi yani. Nyina wali a Zibiya ukufuma ku musumba wa Belisyeba.

2 Yamwene 12:21

Yamusika amukomile yali a Yozabadi umwana umonsi wakwe Syimeati, na Yeozabadi umwana umonsi wakwe Syomeli. Yoasyi yamuzisile ku musumba wakwe Davidi ku nzisi ya vikolwe vyakwe. Nga Amaziya umwana wakwe umonsi amupyana pa cilimba ca wene.

2 Yamwene 13:10

Mu mwaka walenga amakumi yatatu na cinimbali uwa kuteeka kwakwe Yeowazi umwene waku Yuda, ali mwaka uno Yeoasyi umwana wakwe Yeowazi watandike nawe ukuteeka aina Izlaeli mu Samaliya. Nu kuteeka wateesile umu musumba wa Samaliya pa myaka ikumi na mutanda.

2 Yamwene 13:2

Wene wifyanga pa manso yakwe Yawe. Atatiile iviipe vino Yeloboamu umwana wakwe Nebati wacitanga, nupya walenzile na ina Izlaeli kwene ukwifya mu musango uli umwi kwene.

2 Yamwene 15:12

Fwandi ali vino ulayo wakwe Yawe wafikiliziwe, uno wanenyile umwene Yeu ati, “Amu mupanda wako, ukwizafika uku mukulo uwalenga cini, ali yano yalalasikwa pa vilimba vya wene umu Izlaeli.”

2 Yamwene 8:26

Aaziya wali ni myaka yakuvyalwa amakumi yaili na iili apa nsita ino watandike ukuteeka, nga wateesile mu Yelusalemu umwaka onga sile. Nyina wali a Ataliya, umwana wakwe Aabu, nupya umwizikulu wakwe Omuli umwene waku Izlaeli.