2 Yamwene 12:3 - Amazwi Yakwe Leza 2013

³ Lelo kwene incende zino yakapepela mwenemo yatazyononyile foo. Na antu nayo yatwalilile ukupeelela penepo impolelwa nu kocela ubani ku ncende zizi kwene.

2 Yamwene 12:3 ပူးပေါင်းရင်းမြစ်များ

1 Yamwene 15:11

Asa wacisile ivisuma pa manso yakwe Yawe, ndi vino Davidi icikolwe cakwe wacisile.

1 Yamwene 15:14

Nanti angala Asa atononyile ncende zino yapepelanga mwenemo, wene watwalilile kuya uwacumi kuli Yawe mu manda yonsi aumi wakwe.

1 Yamwene 22:43

Yeosafati wacitanga ivintu ivisuma pa manso yakwe Yawe, wakwe vino isi Asa wacitanga. Lelo wene atononyile incende zino antu atamanya Leza yapepelanga penepo. Nupya antu yatwalilile ukupeelela penepo impolelwa nu kocela ubani ku ncende zizi kwene.

2 Yamwene 12:2

Umu umi wakwe onsi, Yoasyi wacitanga ivisuma ivyakuzanzya Yawe, nu wamusundanga vyonsi vii asimapepo Yeoyada.

2 Yamwene 14:4

Ata ongolwile incende zino yakapepela mwenemo. Na antu nayo yatwalilile sile vivi kwene ukupeelela penepo impolelwa nu kocela ubani ku ncende zizi kwene.

2 Yamwene 15:3

Azaliya wacitanga ivintu ivisuma pa manso yakwe Yawe, ndi vino isi Amaziya wacitanga.

2 Yamwene 15:35

Lelo incende zino yakapepela mwenemo utuluwi yatazyononyile foo. Nupya antu yatwalilile ukupeelela impolelwa nu kocela ubani ku ncende zizi kwene. Yotamu akuululula impongolo yakupeela ya Ng'anda ikulu yakwe Yawe.

2 Yamwene 15:4

Nga lelo incende zino yakapepela mwenemo zyene atazyononyile foo. Antu nayo yatwalilile ukupeelela impolelwa nu kocela ubani ku ncende zizi kwene.

2 Yamwene 18:3

Hezekiya wacitanga ivintu ivisuma pa manso yakwe Yawe, ndi vino Davidi icikolwe cakwe wacitanga.

2 Yamwene 18:4

Watamozile incende zyonsi izyakupepela mwenemo tuleza tuluwi. Watamozile na mawe yano yimikanga nu konona amaunkolanya yonsi yakwe kaleza kanaci ka Asyela. Alino watamile ni nzoka ya cela ino Mose wimikemo, pasi pano ukufika na pa nsita kwene ilya aina Izlaeli yatwalilile ukuyocela ubani. Inzoka kwene iyo apakuicindika yayamanga iyati Neusyitani, iyo ino ukufika na pa kasita kako aina Izlaeli yocelanga ubani.

2 Yamwene 22:2

Yosiya wacitanga ivintu ivisuma pa manso yakwe Yawe, ndi vino Davidi icikolwe cakwe, wacitanga. Walondelanga amasunde yakwe Yawe nu mwenzo wakwe onsi.

2 Milandu 31:4

Alino umwene apeela ilamulo ku antu amu Yelusalemu kuti yalete ivyawila nu kupeela yasimapepo na ina Levi ivipande vyao apakuti yaipelesye ukuwaka ukusunga ningo amasunde yakwe Yawe.

Yelemiya 2:20

Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.