2 Yamwene 11:2 - Amazwi Yakwe Leza 2013

² Kwapuswike sile Yoasyi. Nupya nawe kwene kwasile sile kwempe, ngano yamukomile pamwi nauze. Uwamupuswisye sile a Yeosyeba nyinasenge. Yeosyeba wiyo wali umwana wakwe Yolamu nupya wali a kaci wakwe Aaziya. Yeosyeba wapuswisye Yoasyi mwi umba lya ana ya mwene yao yano yakomolwanga, nga aya amufisa pamwi nu mulezi, mu muputule wa kulala mwenemo. Umuputule uo wayelile mu ng'anda yaku pepela mwenemo, mumo muno Ataliya atange amulole nu kumukoma.

2 Yamwene 11:2 ပူးပေါင်းရင်းမြစ်များ

1 Yamwene 11:17

Lelo Hadadi apuukila ku Eguputo pamwi ni nkombe zimwi zya ina Edomu, zizyo izyatumike isi. Pa nsita iyo Hadadi wali umwana munono.

1 Yamwene 6:10

Utumiputule tutatu tonsi, cila kamuputule kakweti amamita 2 ukuya papela. Tonsi yatusuntinkinye ku Ng'anda ikulu yakwe Leza, lwa kunzi. Nupya yatulundinkinye ni myalo ya mikelide itali.

1 Yamwene 6:8

Umulyango wakwingilila umu tumiputule twakuila pansi waelile lwa kwikasa li lunji lya Ng'anda ikulu yakwe Leza, nu tumasitepu utukutungulula ukuya ku tumiputule twakwe ciili na twakwe citatu.

2 Yamwene 11:21

Yoasyi wali ni myaka cinimbali lino watandike ukuteeka.

2 Yamwene 11:3

Pa myaka mutanda ino Ataliya wateesile impanga, Yoasyi wasungwanga sile nu mulezi wakwe mumu kwene muno yamufisile mu ng'anda yaku pepela mwenemo.

2 Yamwene 12:1

Mu mwaka walenga cinimbali wa kuteeka kwakwe Yeu, Yoasyi walasikwe pa cilimba ca wene, nga wene wateesile mu Yelusalemu imyaka amakumi yani. Nyina wali a Zibiya ukufuma ku musumba wa Belisyeba.

2 Yamwene 8:16

Mu mwaka wakwe cisano uwa kuteeka kwa mwene Yolamu umwana wakwe Aabu, umwene waku Izlaeli, ali mwaka uno Yolamu umwana wakwe Yeosafati watandike kuteeka impanga ya Yuda.

2 Yamwene 8:19

Nanti wene wacitanga iviipe, Yawe atalondanga ukulovya Ayuda, apamulandu wakuti walavile Davidi umuomvi wakwe ukuti ana yakwe ali yano yalapyana lyonsi apa wene.

1 Milandu 3:11

Yolamu isi wakwe Aaziya, Aaziya isi wakwe Yoasyi, Yoasyi isi wakwe Amaziya,

2 Milandu 22:11

Lelo Yeosyeba, umwana umwanaci uwa mwene Yeolamu, atolosya Yoasyi nu kumufumya pa ana yonsi pyu a mwene Aaziya yano yali pipi nu kukomwa. Lyene aya amufisa kumwi nu mulezi wakwe ku muputule uze uwakulala kweneko, uwamu Ng'anda ikulu yakwe Yawe. Icalenzile kuti Yeosyeba acite ica musango uu, amuno wene wali umwana wa mwene Yeolamu, nupya umuci wakwe simapepo Yeoyada, na kaci wakwe Aaziya. Fwandi wene wakweti insambu zyonsi izyakufisa umwana ukufuma kwi lovyo lyakwe Ataliya.

Kufuma 8:3

Luzi lwa Nailo lumazula cuze na yacula cakuti yalafuma mu luzi nu kuya mwi isano lyako, mu muputule uno ukalala mwenemo, pa musanzi wako, mu mang'anda yakwe yacilolo yako, nu mu mang'anda ya antu yako, nga nu mu citofu cakupangila umukate nu mu viya vyakukandila umunya.

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Ezaya 37:35

Anene nkusunga nu kucingilila umusumba uu, apakulanga vino ne mweneco nacindama, na pa ulayo uno nalavile umuomvi wane Davidi.”

Yelemiya 33:17

Apa mulandu kwene uu, nemo ne Yawe nalaya nati, “Davidi atalatala aulilwe umuntu uwakuteeka pa cilimba ca wene wa ina Izlaeli.

Yelemiya 33:21

icili conga kwene ndi vino nemo cakana ukuti ningonona upangano wane uku muomvi wane Davidi, icakuti pataya umwana wakwe wenga uwaku pyana apa cilimba ca wene wakwe. Ali vino cakanilila kunondi icakuti ntange mpiliule upangano wane na yasimapepo aina Levi, apakuti yataombela nene.

Yelemiya 33:26

ale lyene nange nsumbe yamwana Davidi, umuomvi wane. Lyene ngano nata mpiti nu kusolola amu luko lwakwe, uwakuteeka aluko lwakwe Abulaamu, Isaki na Yakobo. Pasi pano ndayawezezya isyuko lyao ilya ku katalili nu kuyayela uluse.”

Yelemiya 35:2

“Yanga ku luko lwa ina Lekabu, ulande nayo nu kuyaleta mu muputule wa Ng'anda ikulu yakwe Yawe, uyapeele na waini yamwe.”

Yelemiya 36:26

Lelo umwene ali pakunena Yelameeli, umwana wa mwene, Selaya umwana wakwe Azilieli nga na Syelemiya umwana wakwe Abideli kuti yakaleme kalemba Baluki na kasema Yelemiya. Lelo Yawe wayafisile.

Ezekelo 40:45

Alino umuntu wiyo anena ukuti umuputule uno ulozizye amanso ku katutu, ali wakwe yasimapepo akatumikila mu Ng'anda ikulu yakwe Leza.

Yakapingula 9:5

Alino alungama ku ng'anda yakwe isi Ofula, nga kuku kwene apapela yi we lyonga, akoma aina yonsi, ana yakwe Gidyoni aonsi amakumi cinimbali. Lelo Yotamu umwana umonsi nupya nkwangu wakwe Gidyoni wafisime nga yatamukomile.