2 Yamwene 10:5 - Amazwi Yakwe Leza 2013

⁵ Nga lilyo kwene kangalila wakwisano, nu mulasi uwamu musumba, na aikolo na yakalinda yatuma amazwi yaa kuli Yeu, yati, “Swemo pano sweswe aomvi yako nga sweswe aiteyanye wakwe cimwi ukucita consi cino umatunena. Swemo tutalasonta umwi ali wensi kuti aye umwene. Wemo ungala ucite consi cino watemwa nanti cino welenganya ukuti cingakuzipila.”

2 Yamwene 10:5 ပူးပေါင်းရင်းမြစ်များ

1 Yamwene 20:32

Inkombe zizi apali pakuzwala ivyakuzwala vyakulanga indosya, iyainyepa ni myando mu nsingo. Iyaya ku mwene wa ina Izlaeli, nga iyamunena yati, “Umuomvi wako Beni Hadadi umuomvi wapapata kuti utaleka afwe.” Aabu nawe aasuka ati, “Uzye fwandi apano acili umupuma? Awe kwene cazipa! Ala kunondi wene ali sile wa mwinane!”

1 Yamwene 20:4

Aabu nawe aasuka ati, “Kamunenini muti nemo nazumila, naipela kumwi ni vyuma vyane vyonsi ukuti vingaya ivya mwene Beni Hadadi.”

2 Yamwene 10:6

Lyene Yeu ali pakuyalembela kalata muze, ati, “Fwandi mwemo ndi cakuti muli ku lusansa lwane nu kuiteyanya mwemwe aiteyanye ukunjela, mutondo apa kasita ndi kakwene, muce muputule imitwe ya ana aonsi ya musambazi winu Aabu, nga mundetele ku musumba wa Yezileele.” Amu mupanda wakwe Aabu, yano yali amakumi cinimbali, yasungwanga ni ntunguluzi zyamu musumba wa Samaliya nu kuyakuzya izilizyo kwene izyayakuzizye.

2 Yamwene 18:14

Nga alino lyene Hezekiya umwene waku Yuda watumile umwene waku Asilya, lino umwene wii ali ku Lakisyi, amazwi akuti, “Kwene natinifya. Icumi napapata, taa ukunzanza, nupya ningakulipa consi cino unganena.” Uwasuko uwafumile kuli Senakelibu wali uwakuti cazipa amutumile amakilogalamu amazimbi yatatu yakwe siluva na makilogalamu izimbi lyonga yakwe zaabu.

Yelemiya 27:17

Mutaciyuvwila, mwemo mwaombela sile umwene waku Babiloni pakuti mwikale nu umi. Uzye pacani cino umusumba uu ungasangukila ulwanga?

Mpendwa 11:12

Uzye icumi anene nanyomelile nu kuvyala antu yaa onsi? Fwandi uzye pacani cino ungantazyelela nu kuleka injasende nene mu minwe yane, ungati nene indi kalela wa tunya ututacili tusumuke, lilyo lino nkuyatwala ku mpanga ya ulayo ino walavile ivikolwe vyao?

Yoane 12:26

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

Yoswa 9:11

Intunguluzi zitu nga na antu yonsi akaikala mu mpanga itu yatunenyile kuti tusende impao pa lwendo lwitu tumulondelele kuno nga twize tumunene tuti, ‘Sweswe aomvi inu. Lekini tucite cipangano namwe.’

Yoswa 9:8

Nayo yaasuka Yoswa yati, “Sweswe azya inu.” Alino Yoswa ayuzya ati, “Uzye mwemwe yaweni nupya mufumile kwi?”