2 Yamwene 1:3 - Amazwi Yakwe Leza 2013

³ Lelo umungeli wakwe Yawe anena Eliya umwina Tisyibe ati, “Katuka yanga ukakomenkanye inkombe zya mwene waku Samaliya nga uzyuzye uti, ‘Uzye icani icalenga kuti uye ku kusapola kuli Baali Zebubi, kaleza ka antu aku Ekiloni? Uzye mukwelenganya ukuti mu mpanga ya Izlaeli mutaya Leza, vwile?’

2 Yamwene 1:3 ပူးပေါင်းရင်းမြစ်များ

1 Yamwene 11:33

Ndacita vivyo pamulandu wakuti Solomoni wiyo wamfutatila, atatandika nu kupepa Asyitaloti, kaleza kanaci ka ina Sidoni, na Kemosyi, kaleza kanaci ka ina Moabu, alino na Moleki, kaleza ka ina Amoni, Solomoni wata ukuntontela. Wene akucita ivintu vya winyi nupya asikusunga amasunde yane ni vyeo vyane wakwe vino isi Davidi wacitanga.

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

1 Yamwene 18:1

Walanga papita insita itali, mu mwaka wakwe citatu, Yawe anena Eliya ati, “Yanga ukalolekele ku mwene Aabu nani namatuma imvula, imatonya.”

1 Yamwene 18:36

Alino amanguzi, pa nsita ino yakapeelelapo impolelwa, kasema Eliya apalama atandika nu kupepa ati, “We Yawe Leza wakwe Abulaamu, na wakwe Isaki, na wakwe Izlaeli, sungaleka ukuti antu yaa yasininkizye ukuti wewe uli Leza mu mpanga ya Izlaeli. Alino nu kuti nene nenga ndi kasema wako nu kuti natincita vii vyonsi api lamulo lyako.

1 Yamwene 19:5

Fwandi ali vino walambalile mwisika lya cimuti. Papo kwene ali pano umungeli wakwe Yawe wamukumya nga amunena ati, “Katuka ulye icakulya.”

1 Yamwene 19:7

Umungeli wakwe Yawe ali pakumunena nupya ati, “We katuka ulye nupya, pano limwi ungawa ulwezwe uposiwe nu kupita.”

1 Yamwene 21:17

Lyene Yawe anena Eliya umwina Tisyibe ati,

2 Yamwene 1:2

Uwanda umwi umwene Aaziya waponyile apipaala lipapatale li sano lyakwe, mu musumba wa Samaliya. Wene waicisile sana. Aaziya ali pakutuma inkombe zimwi kuli Baali Zebubi, kaleza ka antu aku Ekiloni, kuti yakasapole pakumanya ndi cakuti amapola nanti foo.

2 Yamwene 1:6

Inkombe zizi nazyo zyasuka ziti, “Twalitwakomenkana nu muntu umwi, ali wino watunena ukuti tuwele twize tukunene tuti, ‘Yawe wavwanga ukuti uzye icani icalenga kuti uye ku kusapola kuli Baali Zebubi, kaleza ka antu aku Ekiloni? Uzye mukwelenganya ukuti mu mpanga ya Izlaeli mutaya Leza, vwile? Wemo casila usikupola, lelo icumi kwene umafwa!’ ”

2 Yamwene 1:8

Nazyo zyaasuka ziti, “Muntu wiyo walazwite umwingila uwapangilwa ni mpapa ya nyama, azwite nu musipi wa mpapa.” Aaziya nawe avwanga ati, “Iye! A Eliya umwina Tisyibe!”

2 Yamwene 5:15

Naamani na antu yakwe ali pakuswilila kuli Elisya. Nga alino avwanga apaswe ati, “Icumi cumi lyene namanya ukuti pano nsi yonsi pataya Leza foo, suka sile wenga mpo uwa muno mpanga ya Izlaeli. Ali cino fwandi ule upokelele uwila uu uno ne muomvi wako napeela.”

2 Yamwene 5:8

Lino Elisya, umuntu wakwe Leza uvwa ukuti kasema wilya watalepola ivyakuzwala vyakwe, atuma akuya nena umwene wilya amazwi yaa ati, “Uzye pacani walepula ivyakuzwala vyako? Leka umwenyi wiyo aize kunondi nga amamanya ukuti umu Izlaeli mwaya kasema.”

Masamu 76:1

Leza wamanyika wakwe cimwi umu mpanga yakwe Yuda. Izina lyakwe ilikulu umu mpanga ya ina Izlaeli.

Ezaya 8:19

Ndi cakuti antu yakumunena ukuti auzya imilandu kuli yakalola na yakasapoola, yakatotoza na yakatiitiisya. Ala yakuti, “Uzye antu yataya nu kulondelezya nanti ukuuzya imilandu kuli tuleza twao nanti ukuuzya ku antu yao afwe apamulandu wa nsyazi zyao kunzi?”

Yona 2:8

Antu akapepa utuluwi tuleza utwasilesile yaponzya icikuku cako.

Mako 3:22

Lyene yakasambilizya ya Masunde yamwi afumile ku Yelusalemu yavwanga yati, “Ali na Belezebu munoli! Mu maka ya mwanangwa wa mipasi yankota amuno akafumizya mipasi yankota.”

Milimo 8:26

Mungeli wa Mwene anena Filipo, ati, “Katuka uye ku kaeya, ku museo uwafuma ku Yelusalemu, uwaya ku Gaza.” (Museo uu utaciomviwa.)

1 Samueli 17:46

Uwanda kwene uu Yawe amakundemela. Namakucimvya nu kuputula umutwe wako. Nupya namapeela imili ya asilika ya ina Filisti ku vyunyi ni vinyama kuti vilye. Lyene amu nsi yonsi yalamanya ukuti umu mpanga ya ina Izlaeli mwaya Leza.