2 Timoti 4:3 - Amazwi Yakwe Leza 2013

³ Insita iliiza lino antu yatalauvwa ku usambilizyo wa cumi. Lelo yene yalalondela vilondwa vyao aisikulu, nupya yalalonda yakasambilizya aingi yano alayazanzya pa kuyanena sile vintu vino yene yakulondesya kuuvwa.

2 Timoti 4:3 ပူးပေါင်းရင်းမြစ်များ

1 Yamwene 18:22

Lyene Eliya ayanena ati, “Nene nenga sile nsile pali yakasema ya Mwene, lelo Baali akweti yakasema imyanda ini na makumi yasano.

1 Yamwene 22:18

Alino Aabu anena Yeosafati ati, “Walola, avino nalinkukunena ukuti Mikaya atatala ansemela penepo ivintu visuma, suka sile iviipe vitupu!”

1 Yamwene 22:8

Aabu aasuka Yeosafati ati, “Akunoli umuntu umwi wino angatuuzizya kuli Yawe, lelo namupata pano wene atatala ansemela cimwi icisuma. Lyonsi kwene akansemela sile amasyamo. Wene a Mikaya umwana umonsi wakwe Imila.” Yeosyafati nawe aasuka ati, “Umwene atalinzile kuvwanga vivyo.”

Kufuma 32:33

Lyene Yawe aasuka Mose ati, “Suka sile wiyo wino wacita iifyo kunondi, awino ningafuta izina lyakwe mu lupapulo lwane.

Ezaya 28:12

Mwemo mwensi Leza waleka ukuti mwaipuzila mu longo lelo mwemo mwakana ukuvwa kunoli.

Ezaya 30:10

Yakanena yakalola yavilolwa, iyati, “Mute ukulola ivilolwa!” Nga na kuli yakasema nako iyati, “Mwemo mute ukutunena ivintu vyacumi, ivikatucisa uku myenzo. Mwemo mwatunena ivikatusansamusya. Muleke sile swemo twacita vino tuweni ukuti avino vyati vilola mwenemo.

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Yelemiya 27:9

Fwandi, mutezya mwauvwa kuli yakasema inu, kuli yakasapoola inu, kuli yakalota yaviloto, kuli yakapendola na kuli yasing'anga inu yano yakamunena ukuti mutakatumikile umwene waku Babiloni.

Yelemiya 29:8

Pano Yawe Wamaka yonsi, Leza wa ina Izlaeli wavwanga wati, “Mutaleka yamusombe kuli yakasema na yakasapoola yano yikala kuno muli, mutakakutika ku viloto vyao.

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Mika 2:11

Umuntu umwi uwantumpu ndi wapita konsi konsi afuma akusema vyantumpu ala akuti, ‘Endi, mulakwata waini nu wengwa nyanya,’ kasema wamusango uu awino antu yatemwa!”

Luka 20:19

Yakasambilizya ya Masunde na yasimapepo akalamba yalondanga inzila yakuti yalemelemo Yesu pa nsita kwene ilya, pano yamanyile vino wayasyentekanga mu mulumbe. Lelo yoopa antu.

Luka 6:26

“Kalanda kuli mwemwe ndi antu yonsi yamuvwangila visuma. Pano vivyo kwene avino ni vikolwe vyao vyavwangile antu aufi yano yakailanda ukuti yene akasema.

Yoane 8:45

Lelo nemo nkavwanga cumi, nga uli mulandu uno mutantaila.

Milimo 17:21

Pano onsi aikala mu musumba wa Atena na inamasi atenzimo yatemilwe ukusumba utusita twao tonsi mu kuvwanga nu kuvwa amazwi ya pa vintu vipya.)

1 Kolinto 2:1

Inane, lino nizile kunomuli ku kukosola nkama ya cumi yakwe Leza, ntaomvizye mazwi azike nanti kuvwika mucenjele mu mivwangile.

1 Kolinto 2:4

Kuvwanga kwane nu kukosola kwane kwa kumuongola kutali ukwakulanga mano yane, lelo kwali ukwakulanga amaka yakwe Mupasi Wamuzilo.

Galatiya 4:16

Uzye lyene naya nene mwanisi winu pa kumunena cumi?

1 Timoti 1:10

Masunde kwene yaa yapeelwa pamulandu wakwe yakalongozya na akaulungana na onsi yauze, akaiya antu, antumpu na akapeela umboni waufi nanti cintu cili consi cino citalingine nu usambilizyo usuma.

2 Timoti 1:13

Komeleka umu kuyela usambilizyo wa cumi uno nakupile, uye icilangililo kunuli kuti avino wasambilizya. Twalilila mu utailo nu kutemwa kwakwe Klistu Yesu.

Yuda 1:18

Yalanzile kunomuli yati, “Lino manda ya mpela yaliza, kulaya antu akalondela ivilondwa vyao visi vya upefi, alamuseka.”