2 Timoti 3:9 - Amazwi Yakwe Leza 2013

⁹ Lelo uwelewele wao utalayafisya kutali pano umuntu wensi alalola vino yatumpa. Vikwene avino cacitikile Yanesi na Yambulesi.

2 Timoti 3:9 ပူးပေါင်းရင်းမြစ်များ

1 Yamwene 22:25

Mikaya nawe amwaasuka ati, “Insita iyo ulaimanya lino ulaya ukafisame mu kafyototi kamwi ka mukasikasi.”

Masamu 76:10

Cumi kwene, ukali wako apa antu ukalenga kuti yakulumbanye, Yao akapusuka uku zya nkondo yalatwalilila ukwiusya amanda akulu akwako.

Kufuma 7:11

Lyene Falao atuma akuya ama antu yakwe, amamanyamano na amalele. Alino aina Eguputo yalya mu malele yao yeleuzya vino Aaloni wacisile.

Kufuma 7:12

Cila wenga asumba intuwa yakwe pansi, nga ni ntuwa zisanguka ziya inzoka. Lelo intuwa yakwe Aaloni imila inzoka zyao zyonsi.

Kufuma 9:11

Amamanyamano yatakweti maka yakulolekela ku manso yakwe Mose pamulandu wakuti nayo kwene vipute vyali umwili onsi, wakwe vino cali ku ina Eguputo yonsi.

Yelemiya 37:19

Yalikwi yakasema inu yano yasowile ukuti umwene waku Babiloni atalakuzanza nanti uku wililila impanga yako?

Luka 6:11

Nao yasoka cuze, yumana kapi pali cino yangacita kuli Yesu.

Milimo 13:11

Lola! Ndakai Leza amakuvunuka. Umaya wewe mpafu nupya utalalola nanti uluswepo lwa kasanya pa kasita kamwi.” Lilyo kwene Elima apafula.

2 Timoti 3:8

Wakwe vino Yanesi na Yambulesi yalwisyanga Mose, vivyo kwene antu yaa yakalwisya cumi. Antu yaa a myenzo yaukakasi nu utailo wao usi uwa mpomvu.