2 Timoti 3:2 - Amazwi Yakwe Leza 2013

² Antu yalaitemwa, atemwisya impiya, yalaitumika, a cilumba, akanyati, yatalayela akwasi yao, yatalataizya, nupya yatalalonda vyauleza.

2 Timoti 3:2 ပူးပေါင်းရင်းမြစ်များ

Masamu 10:3

Umwipe akuituumika apa lunkumbwa lwakwe, Umupunuke akutuka nu kuzewanya Yawe.

Masamu 49:6

Lelo antu yaa, yene yasumvile amano yao ukuvyama, yakuitanka sile apa ukama wao.

Masamu 52:1

Icani cino ukuitutumwila pa uyi wako we cimuntu ca vilumba? Umusanya onsi ukaelenganya sile ivyaononyi. Umulomo wako wasongola wakwe coco.

Mapinda 6:17

Amanso ya cilumba, ululimi lwaufi, iminwe ikazwisya uwazi wakaele,

Ezaya 10:15

Lelo nemo ne Yawe nkuvwanga inti, ‘Uzye impasa ingalanda ukuti yaluta wino akaiomvya? Nanti uzye mukalalu wacindama ukuluta wino akamuomvya? Insonzo isisenda umuntu, foo. Lelo umuntu aliwe akasenda insonzo.’”

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

Danieli 7:25

Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

Mateo 15:6

Mu nzila ii mukalenga antu kusula masunde yakwe Leza pamulandu wa ntambi zinu.

Luka 12:15

Lyene watwalilile kuvwanga kuli onsi ati, “Mucenjele nu kuicingilila ku lwiswa lonsi. Pano umi wa muntu utaya mu wingi wa vintu vino wakwata, usi mulandu nanti angaya ni vyuma vingi.”

Luka 16:14

Lyene Afaliseo lino yuvwa vii yasoweka Yesu, pano yatemilwe vyuma.

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Milimo 5:36

Mu nsita zyampiti Teudasi walolike, nu kuitaka vino wene wali mukulu. Alino antu manye myanda ini yamulondile. Lelo yamukomile na antu yonsi amulondile yasalangana, nga pazima.

Loma 11:18

Caleka mutalinzile kusuula yao aputwilwe wa misambo ilya. Uzye pacani mungaitutumika? Mwemo mwemwe misambo. Mwemo musyatungilila misisi. Lelo misisi ikatungilila mwemwe.

2 Kolinto 5:15

Klistu watufwilile swensi. Wafwile pakuti tutaikala umi uwakuizanzya, lelo uwakuzanzya wino uwafwile nupya wazyukwike pamulandu witu.

Filipi 2:21

Cila muntu akasakamala pa vintu vyakwe umwisikulu, kwaula kusakamala mulimo wakwe Yesu Klistu.

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

1 Timoti 1:20

Imeneo na Alekizanda, antu yaa oili amuli yao aonona utailo. Yaa nayapeela mu makasa yakwe Ciwa kuti yasambilile yate yatacivwanga mazwi ya misuli kuli Leza.

1 Timoti 1:9

Endi, tulinzile kwiusya ukuti Masunde yasipangilwa antu asuma, suka antu yakavuna yamasunde, yacipote, asyapepa na yakaifya, antu yankota ni nkomi, yano angakoma na akwasi yao kwene.

1 Timoti 3:3

Wene atalinzile kuya mukolesi nanti walwete. Lelo alinzile kuya mufuke nupya asilemanizya antu. Wene atalinzile kutemwa impiya.

1 Timoti 6:10

Pano kutemwa impiya ili ntulo ya misango yonsi ya viipe. Yamwi akalondesya impiya yakasya inzila ya utailo nga nu kunyomeka myenzo yao na malanda aingi.

1 Timoti 6:4

ale wene ali ni cilumba nupya atamanyile ningo cintu nanti cimwi. Umuvulungane mano nupya wene akalonda kupazyanya nu kulemanila pa mazwi. Cii cikaleta uzuwa, vikanza, intusi, kutunganya kwipe,

2 Timoti 3:4

Yalaya asomvi, azakantike nupya yalaya na mataki. Yene yalatemwa vyakuizanzya kuluta kutemwa Leza.

Yakobo 2:8

Ndi mukuyela Isunde lya Wene ilyaya mu malembelo likati, “Uwatemwa umuzo ndi vino waitemwa.” Ale mukucita ningo.

Yakobo 4:16

Lelo ndakai muli ni cilumba nupya mukuitumika. Kuitumika kwa musango uu konsi ukuluvyanya.

Yakobo 4:6

Lelo cikuku cino Leza akatukwatila cene ica maka kuluta. Cili ndi vino malembelo yakati, “Leza akakanya umuntu wensi uwa cilumba, lelo akaya ni cikuku ku muntu uwaicefya.”

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

2 Petulo 2:10

Mwene alacita cii maka maka kuli yao akalondela imbunu zyao izya winyi, yao akasula maka yakwe. Yakasambilizya yaa aufi, apame nupya acilumba. Yene yasyacindika yao alulumbi mwiyulu. Lelo yakayatuka.

2 Petulo 2:12

Lelo antu yaa yakoline wa nyama, viumbwa vizenzembe, zino zikalemwa nu kukomwa. Yene yakalanda vintu viipe pa vintu vino yatamanyile. Yene yalononwa wa nyama,

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Yuda 1:16

Antu yaa, yakailizyanya lyonsi nu kutwika auze milandu. Yene yakalondela vya lunkumbwa vyao viipe. Yakaitutumula nga nu kucindika auze mwi syente kuti yazanilemo muzano.

Umbwilo 13:1

Nupya ndola cilyanyi cikufuma muli yemba. Cene cakweti impembe ikumi ni mitwe cinimbali, nga cila lupembe pali ingala. Nupya cila mutwe palemvilwepo izina lya miponto kuli Leza.

Umbwilo 16:11

nga yavwanga mazwi ya miponto kuli Leza wa kwiyulu, pamulandu wa kuwaya kwa vilonda vyao. Lelo yatazenzwike nu kuleka miyele yao iipe.

Umbwilo 16:21

Vitalawe vikulu cuze, ivinyome kulingana na makilo makumi yasano, navyo vifuma mwiyulu nu kuponela pa antu. Antu yaa yavwanzile mazwi ya miponto kuli Leza pamulandu wakuti cilumbelo cii cali cakofya cuze.

Umbwilo 16:9

Antu yapya ni cikaililwa cikali cuze, nga yavwanga mazwi ya miponto kuli Leza wino uwakwata maka pa vilumbelo vii. Lelo yatazenzwike ku maifyo yao kuti yalumbanye Leza.