2 Timoti 2:2 - Amazwi Yakwe Leza 2013

² Maila aingi ukauvwa nkusambilizya pa manso yakwe yakambone aingi. Lyene ndakai nkulonda kuti wemo ulasike mulimo uu ku antu atailwe, yano angasambilizya antu yauze.

2 Timoti 2:2 ပူးပေါင်းရင်းမြစ်များ

Ezila 7:10

Apa mulandu wakuti Ezila walanga wika umwenzo wakwe uku kusambilila amasunde yakwe Leza nu kuyalondela nga nu kuyasambilizya uku ina Izlaeli, ivipope ni misango ino yangalondelamo lyonsi.

Ezila 7:25

“Acino wemo Ezila, umu kuomvya amano yano Leza wako wakupeela, wewe ulinzile wasonta intunguluzi na yakapingula akuteeka antu umu mbalama ya luzi lwa Yufulate, yao amanya isunde lyakwe Leza wako. Nupya ulinzile ukusambilizya amasunde kuli wensi atayamanyile.

Neemiya 7:2

Ali lino nasonsile umwinane Hanani kuti angaya akateeka umu Yelusalemu. Nga alino insontela penepo na Hananiya uwakuti angaya akalinda wi cele apamulandu wakuti ali wino naweni wa muntu umwi umufumaluke, uwakwatila Yawe Leza icoopo ukuluta asyala.

Masamu 101:6

Nemo nasololanga antu yano yakufukila we Leza, apakuti ayano yaomba ukwane ukwisano. Antu ya misango isuma ayano yamayanga aomvi yane.

Mapinda 13:17

Intumi yaufi ikaocesya umuzi, lelo intumi yakutailwa ikaleta umutende.

Yelemiya 23:28

Kasema wino alosile iciloto cingazipa wene alande ukuti iciloto sile. Lelo kasema wino uvwa amazwi yane alinzile kuyalanda umucumi. Uzye kwene insaawa zyalingana ni ngano?” Ivyalanda Yawe.

Aina Levi 14:42

Lyene yatole amawe yauze yakuulile muno yafumizye mawe yavuvume. Alino yatole ivu lyuze nu kutakasa ku lung'umba.

Malaki 2:7

“ ‘Yasimapepo yapeelwa umulimo wakusambilizya icumi capali Leza. Antu yalinzile ukuya kunoyali ku kusambilila ivintu vino nkalonda kuti yacita, pamulandu wakuti yasimapepo ali nkombe zyakwe Yawe Wamaka yonsi.

Mpendwa 12:7

Lelo caiyela lino nkulanda nu muomvi wane Mose. Wene akaikala uwakutailwa muli vyonsi vyamu ng'anda yane.

Mateo 13:52

Alino ayanena ati, “Caleka kasambilizya wa Masunde wensi wino uwaya mulondezi wa Wene wa mwiyulu wene akoline nu mwine ng'anda, wino akafumya vyuma vyakwe vipya ni vikote mu nkoma yakwe.”

Mateo 24:25

Uvwini! Nati munena cii lino nsita itali ifike.

Luka 12:42

Mwene nawe amwaasuka ati, “Uzye lyene, muomvi mutailwe nu wamano aweni? Awiyo wino mwene alamucita kangalila, uwakulolela ing'anda nu kupeela aomvi yauze vyakulya vyao pa nsita ilinge.

1 Kolinto 4:2

Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.

2 Kolinto 2:14

Tutaizye Leza pano muli Klistu akatutungulula nsita zyonsi uku ucimvyo. Leza akatuomvya kuti kumanya kwakwe Klistu kusalangane konsi wa mununko usuma.

2 Kolinto 3:5

Tutakweti nsambu zyakulanda ukuti twati tucita cintu cili consi swenga pa lwitu. Leza uwatupela maka akucita vyonsi vino tukacita.

Kolose 1:7

Mwasambilile cikuku cakwe Leza kuli Epafula, muomvi unji mukundwe nupya uwacumi wino mucifulo cakwe sweswe akatumikila Klistu.

1 Timoti 1:12

Nkataizya Klistu Yesu Mwene witu, wino uwampile maka akuomba mulimo uu. Nkumutaizya apa kumpenda kuya uwa kutailwa nu kunsolola kuti namutumikila.

1 Timoti 1:18

We Timoti, uli wa mwana kunondi. Ilamulo lino nkukupeela limikwa pa mazwi ya usemo yano mpiti yavwanzilwe pamulandu wako. Omvya mazwi yaa wa vyanzo kuti ulwe ningo,

1 Timoti 4:14

Utatazyela uwila wa mupasi uno uli munuli, nupya uwapilwe kunuli lino yakasema yavwanzile na ikolo yakupolelile apa kwika makasa yao panuli.

1 Timoti 4:6

Ndi watungulula vii ku ina itu, lyene ulaya muomvi musuma wakwe Klistu Yesu. Lyene ulalanga ukuti wemo wimulwa na mazwi ya utailo nga nu usambilizyo usuma uno walondela.

1 Timoti 5:22

Utakalauka kwika makasa yako pa muntu umwi kuti umusolole atumikila Mwene. Utakumako ku maifyo ya antu yauze. Lelo wemo funtuka ku kukowela konsi.

1 Timoti 6:12

Lwisya ulwi usuma wa kusunga utailo, kuti uilonkele umi wape. Pano ku umi uu akuno Leza wakwamile lilyo lino wemo kwaula kutwisika waizumilile utailo wako pa manso yakwe yakambone aingi.

2 Timoti 3:10

Lelo wemo walondela usambilizyo wane, kuteeka mwenzo kwane, kutemwa kwane, kuposya kwane,

2 Timoti 3:14

Lelo wemo twalilila sile kuya uwakutailwa mu cumi consi cino wasambiliziwe nupya cino wataila. Wamanya yano ali yakasambilizya yako,

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

1 Samueli 2:35

Ndailondela nenga simapepo uwampomvu wino alaomba vyonsi vino nkulonda. Indamupeela ana, yano yalaatumikila lyonsi pa manso yakwe kateeka wino nasolola.