2 Timoti 1:9 - Amazwi Yakwe Leza 2013

⁹ Wene watutuula nupya watwama kuti tuye antu yakwe, asi pamulandu wa vintu vino twacita. Lelo apamulandu wi pange ni cikuku cakwe. Wene wali ni cikuku kwene cii kunotuli muli Klistu Yesu lino kutali kuye kutandika kwa nsita.

2 Timoti 1:9 ပူးပေါင်းရင်းမြစ်များ

Mateo 1:21

Wene alavyala umwana umonsi nawe uce umutemele izina uti a Yesu, pano wene alatuula antu yakwe kufuma ku maifyo yao.”

Luka 10:21

Pa kasita kaka Yesu azanga cuze kupitila mu maka ya Mupasi Wamuzilo, nga avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile. Endi Tata, cii acino walondanga kuti cicitike.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

Yoane 17:9

“Nayapepela, nsyakupepela amu nsi, lelo nkupepela yao yano wampile, pano yene akwako.

Yoane 6:37

Onsi yano Tata wampeela yaliza kunondi, na wino wensi uwiza kunondi ntalamuzinga.

Milimo 15:18

Vii avino Mwene wavwanga, wino walenzile kuti vii vimanyike kufuma ku mpiti.’”

Milimo 2:47

ala yakulumbanya Leza, nu kutemwikwa na antu onsi. Na cila wanda Umwene walundangako kwi umba lyao antu nayauze yano atuulwangwa.

Loma 11:14

Limwi mungaleka antu amu mutundu wane yuvwe uzuwa pakuti yamwi yatuulwe.

Loma 11:29

Pano Leza asyasenuka pali wino wasolola nu kupolelela.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

Loma 3:20

Pano kusi umuntu nanti wenga wino angaya mololoke pa manso yakwe Leza pa kuyela sile Masunde. Mulimo wa Masunde ukulanga vino umuntu wifya.

Loma 9:11

Lelo lino ana yaa yatali kuti yavyalwe nanti kucita cisuma nanti ciipe, Leza wanenyile Labeka ati, “Silenzi alatumikila muto.”

Loma 9:24

a sweswe kwene swe muno Leza waama, asi kufuma sile mu Ayuda, lelo nu mu Akulukuwa kwene.

1 Kolinto 1:18

Pano Ilandwe lya pamulandu wa mfwa yakwe Klistu pa lupanda lisyasenula cimwi ku antu yano akulowa. Lelo kunotuli swe muno tukutuulwa, Ilandwe lii amaka yakwe Leza yano akuomba.

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

Efeso 1:9

nga kupitila muli vino Klistu wacita, Leza watulanga mapange yakwe ankama.

Efeso 2:5

cakuti lino twali afwe ku mupasi pa kuntayela wene watulenzile kuya aumi muli Klistu. Mwatuuzilwe ni cikuku cakwe Leza.

Efeso 3:11

Leza wacita cii, kulingana nu kuteyanya kwa mwi pange lyakwe manda pe, lino wafikilizya muli Klistu Yesu, Mwene witu.

Filipi 3:14

Caleka nkasimwila ulunga ni cikongwani kuti ince mpelwe cilambu kwiyulu, icili ulwamo lwakwe Leza muli Klistu Yesu.

1 Tesalonika 4:7

Leza atatwama kuti twacita vya winyi, lelo watwama kuti tuye amuzilo.

1 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza, Katuula witu na Klistu Yesu wino tukapaalila.

2 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza. Wene uwantumile ku kukosola umi uno watulaya muli Klistu Yesu.

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

1 Petulo 1:20

Leza wasolwile Klistu lino uumbo utali uyeko, nupya pakuti atuule mwemwe wene wasokolwile Klistu mu manda yaa akusyalikizya.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.