2 Timoti 1:7 - Amazwi Yakwe Leza 2013

⁷ Pano Mupasi uno Leza watupeela wene usyatulenga kuya antete. Lelo Mupasi wakwe wene ukatupela maka, kutemwa nga nu kuikanya.

2 Timoti 1:7 ပူးပေါင်းရင်းမြစ်များ

Masamu 119:80

Leka nayela amasunde yako, nupya ntaya ni nsonyi zyakucimviwa.

Mapinda 2:7

Wene akaazwilizya antu akacita vyaololoke nupya acumi nu kuyacingilila.

Mapinda 8:14

Nene ndi ciinda akapanda amano, umweneco wa mano ampomvu. Anene wakutaila pano nkauvwikisya ningo ivintu, nupya inkweti na maka avule cuze.

Ezaya 11:2

Alino Mupasi wakwe Leza aliza aikalilile penepo, Mupasi wa malango nu wa kwiluka. Mupasi wa kupanda amano nu wa maka, Mupasi wa kumanya ivintu nu koopa Yawe.

Mika 3:8

“Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Luka 10:19

Uvwini! Namupeela amaka akulyata pa nzoka na makalela nu kucimvya maka yonsi yakwe Ciwa mwanisi, nga mutalazanzwa.

Luka 15:17

Lyene lino amano yamuzana aelenganya mu mano yakwe ati, ‘Aomvi yakwe tata yonsi yakalya yakwikuta na vimwi vikasyala, lelo nemo kuno namafwa kunzala!

Luka 24:49

Nani ndatuma panomuli cino Tata wandaya. Lelo mulinzile mulolele mu musumba, kufika lino mulapokelela maka kufuma kwiyulu.”

Luka 8:35

Alino antu yapita kuyalola cati cicitika. Lyene lino iiza kuli Yesu, yazana umonsi wino mipasi yankota yafumilemo, ala atenzi pa ngazo zyakwe Yesu, watazwala, nupya wali na mano ya untu. Alino onsi yuvwa intete.

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Milimo 21:13

Lelo Paulo avwanga ati, “Mukucita cani, ukulila nu kuntezula mwenzo? Ala kusi kunyepwa kutupu kuno naipela, lelo nu kufwa kwene mu Yelusalemu pamulandu wi zina lya Mwene Yesu.”

Milimo 26:11

“Nupya maila aingi mu mang'anda ya mapepo nayazunyanga, kwezya kuti yafutatile utailo wao. Alino pano ukali wane walusya, lyene nayalondelelanga nu mu misumba yamu mpanga zyuze, ku kuyazunya.

Milimo 26:25

Paulo amunena ati, “Ntapena, Mwene wakwisaci! Nkuvwanga icumi icipuma.

Milimo 6:8

Sitivini wali umuntu wino Leza wapolelile umwenzo wakwe pakulu cuze nu kumupeela maka. Wene wacitanga vinjelengwe vikulu ni vizungusyo pakasi ka antu.

Milimo 9:22

Lelo kukosola kwakwe Saulo kuya ukwa maka kuluta, ni visinka vyakwe ivyakuti Yesu wali a Klistu vitali vyakutwisika, cakuti Ayuda ali mu Damasiko yatangamuzya nanti cimwi.

Loma 5:5

Nu upaalilo uu usyatulenga insonyi pano Leza wapongolwela kutemwa kwakwe mu myenzo itu muli Mupasi Wamuzilo, ali wila witu kufuma kuli Leza.

Loma 8:15

Pano Mupasi wino Leza wamupeela asi mupasi wakumucita azya nu kumucita intete. Lelo Mupasi akamucita ukuya ana yakwe Leza nga nu kupitila mu maka yakwe, tukalilila Leza tuti, “Tata, Tata!”

1 Kolinto 2:4

Kuvwanga kwane nu kukosola kwane kwa kumuongola kutali ukwakulanga mano yane, lelo kwali ukwakulanga amaka yakwe Mupasi Wamuzilo.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Kolose 1:8

Wene watunena kutemwa kuno Mupasi Wamuzilo wapela kunomuli.

Ayebulai 2:15

Lyene mu musango uu, amuno yayo yano umi wao wayateeka uzya pamulandu wa koopa imfwa, yaye antungwa.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

1 Yoane 4:18

Mu kutemwa mutaya intete, kutemwa kufumaluke kukazinga intete zyonsi. Muntu ali ni ntete ala akoopa upinguzi, nu kutemwa kutaya ukufumaluke munoli.