2 Tesalonika 3:4 - Amazwi Yakwe Leza 2013

⁴ Mwene akatulenga kuntatwisika mwemwe. Mwemo mucili mukucita nupya mukatwalilila kucita vino tukamunena.

2 Tesalonika 3:4 ပူးပေါင်းရင်းမြစ်များ

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Loma 15:14

Inane nemwisikulu nkusininkizya ndi vino mwensi mwemwe yasuma cuze, nu kuti mukweti kumanya konsi, nga na maka akusambilizyanya.

Loma 15:18

Ndapama nu kulanda sile pali vino Mwene Yesu Klistu wacita kupitila munondi pa kutungulula Akulukuwa mu kuyela Leza. Wene wacita cii mu mazwi nga nu mu micitile,

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

1 Kolinto 14:37

Ndi cakuti umuntu umwi akutunganya ukuti wene akasema, alinzile kumanya ukuti vino nkumulembela, ilamulo ilyafuma ku Mwene Leza.

1 Kolinto 7:19

Pano muntu ndi wasilamulwa nanti foo, cisyakusenula nanti cimwi. Cikalamba ukuyela masunde yakwe Leza.

2 Kolinto 2:3

Cino nkulonda kuya nu luzango apamulandu wakuti namwe kwene muye nu luzango. Nalemvile kalata pano ntalondanga kumutandalila nu kundenga kuvwa ulanda, mucifulo cakuti mwemwe mulinzile kundenga kuya nu luzango.

2 Kolinto 2:9

Nalemvile kalata wiya kuti nezye kumanya ndi mukaposya mu mezyo nupya ndi munganjela muli vyonsi.

2 Kolinto 8:22

Nupya tumatuma mwina witu mu utailo namuze pamwi na Tito. Wene twamusininkizya ningo. Mu cumi twalola maila aingi ukuti wene akulonda kwazwa. Na ndakai kwene acili akulonda kwazwa yauze nu kuluta, pamulandu wakuti mwemo wamutaila cuze.

Galatiya 5:10

Nemo mu Mwene ncili nkutaila vino mwemo mutalazumila lango lyuze ilipusane ni lyakwane. Lelo muntu akumuvulunganya alavunukwa na Leza.

Filipi 1:6

Nupya nkusininkizya ukuti Leza, wino uwatandike mulimo usuma uu munomuli, alautwalilila kufika lino alaumala pa Wanda wakwiza kwakwe Klistu Yesu.

Filipi 2:12

Caleka, mwe yakundwe yane, ndi vino mwayelanga nene lino nali pamwi namwe, lyene calondekwa ukuti ndakai lino nsi namwe mwayela kuluta. Twalililini kuomba mu coopo nu kuzakaza kuti mufikilizye ufyusi winu,

1 Tesalonika 4:10

Endi, mwemo mwati mulanga mpiti kutemwa ku ina itu yonsi amu Makedoniya. Caleka, ina itu, tukumupapata kuti mucite cii nu kuluta.

2 Tesalonika 3:12

Mwi zina lya Mwene Yesu Klistu tukupeela ilamulo ku antu yaa nu kuyasoka kuti yaikala umi uwa mpomvu nu kuomba kuti yazanilemo uwikazi.

2 Tesalonika 3:6

Mwe ina itu, swemo tukumupeela ilamulo mwi zina lya Mwene witu Yesu Klistu kuti muleuke ku ina inu yonsi akasu nupya yano asyalondela utunguluzi uno twayapile.

Filimoni 1:21

Nemo, lino nkulemba, nkusininkizya ukuti wemo ulacita vino nuzya kuti ucite, nupya manyile ukuti ulacita nu kuluta.