2 Tesalonika 2:9 - Amazwi Yakwe Leza 2013

⁹ Mui wilya aliiza na maka yakwe Ciwa nga nu kucita misango yonsi ya vinjelengwe ni vizungusyo vyaufi.

2 Tesalonika 2:9 ပူးပေါင်းရင်းမြစ်များ

2 Milandu 18:20

Mpaka umupasi wiza ku nkolelo kuli Yawe, nga iuvwanga uti, ‘Namaya nkamutunkole.’ “Lelo Yawe auzya ati, ‘Uzye umaya ukamutunkole mu musango cii?’

Kufuma 7:22

Lyene amamanyamano amu Eguputo nayo yeleuzya icili conga kwene kupitila mu malele yao. Nga Falao atwalilila ukukoma umwenzo ndi vino Yawe wavwanzile ukuti wene ataluvwa kunoyali.

Kufuma 8:18

Lelo amamanyamano yezya kuomvya malele yao kuti kuye inkufu, lelo yaposiwa. Nga inkufu zyawile pa antu ni nyama kwene.

Kufuma 8:7

Lelo amamanyamano yeleuzya icili conga kwene kupitila mu malele yao, yalenga yacula ukufuma mu manzi iyaya ku mulundu.

Ezaya 29:10

Pano Yawe wataleka ukuti mwemo mwasipula, mupone nu mutulo twa mfwa. Yakasema ali yano yalaatungulula antu, lelo Leza wene wayazyatika amanso.

Ezekelo 14:5

Ndacita cii pakuti imbwezye imyenzo ya ina Izlaeli, yayo yonsi yano yamfutatila nu kulondela utuluwi twao.’

Mateo 12:22

Lyene yamuletela umuntu wino wali nu mupasi wankota, uwamucisile mpafu na uciulu, nawe Yesu amupozya, umuntu nawe avwanga, nga aalola.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Mateo 4:10

Yesu amunena ati, “Senka pano Ciwa, pano calembwa mu malembelo cati, ‘Wapepa Mwene Leza wako, wene wenga sile awino uwatumikila.’ ”

Mako 13:22

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo ni vizungusyo kuti yaponzye na asololwe kwene ndi cingaya.

Luka 11:25

Lino waswilila, iuzana ing'anda ipyele ningo na vyonsi iviseziwa.

Yoane 4:48

Yesu nawe amunena ati, “Kusi umwi uwa munomuli angataila, suka ndi walola vilangililo ni vizungusyo.”

Yoane 8:41

Lelo mwemo mukacita vino so akacita.” Nao yamunena yati, “Swemo twakwata Tata wenga sile, nawi a Leza.”

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Milimo 13:10

“We mwana wakwe Ciwa! Wewe mwanisi wa wololoke. Mwenzo wako wazulamo misango yonsi ya micitile yankota. Uzye alilaci lino ulata kutumpwila vyawololoke vya Mwene?

2 Kolinto 11:14

Endi, tutangazunguka pali cii! Na Satana kwene akaezya kuomvya usomvi kuti aloleke wa mungeli wa luswepo.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

2 Timoti 3:8

Wakwe vino Yanesi na Yambulesi yalwisyanga Mose, vivyo kwene antu yaa yakalwisya cumi. Antu yaa a myenzo yaukakasi nu utailo wao usi uwa mpomvu.

Yakobo 3:15

Mano amusango uu yasyafuma kuli Leza. Yene amano yamu nsi auntunze nupya yakwe Ciwa umwisikulu.

Umbwilo 12:17

Cizoka cisokela mwanaci cuze, nga cipita ku kulwisya ana yakwe onsi, ku antu yonsi akayela masunde yakwe Leza, nupya akapeela umboni wa pali Yesu.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 18:23

Munuli mutalatala muloleke luswepo lwi lampi. Munuli mutalatala muvwike izwi lyakwe siwinga na nawinga. Aculuzi yako ayano yali na maka cuze mu nsi yonsi, nu mu malele yako amuno wasombanga antu yonsi amu nsi!”

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

Umbwilo 9:11

Yene yakweti kateeka uwa kuyateeka, kateeka wii u mungeli wino akaangalila ciwina caula impela. Izina lyakwe mu Ciyebulai a Abadoni, nu mu Cigiliki izina lyakwe a Apolyoni, cikusenula, “Wino akaonona.”