2 Tesalonika 1:4 - Amazwi Yakwe Leza 2013

⁴ Uli mulandu uno swemo tukaitumika pamulandu winu mu mauvi yakwe Leza. Swemo tukaitumika pa kutwalilila kwinu ukwa kuposya, nga nu kutaila lino mukupita mu kuzunyiwa nu mu macuzi amuponile.

2 Tesalonika 1:4 ပူးပေါင်းရင်းမြစ်များ

Loma 12:12

Lekini upaalilo winu umuletele luzango. Tekini myenzo mu ntazi zinu, nga nu kupepa nsita zyonsi.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Loma 8:25

Lelo ndi tukupaalila cino tusikulola, ale tukulolela mukuteka mwenzo.

1 Kolinto 7:17

Cila muntu alinzile kutwalilila kwikala muno Mwene wamusungila na muno Leza wamwamile. Lii, lili lamulo lino nkasambilizya mu mauvi yonsi.

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.

2 Kolinto 7:14

Namunenyile vino nkailumba pali vino mwaya, nga namwe mutandenga kuya uwa nsonyi. Ndi vino lyonsi tukulanda cumi kuno muli, avino cili pali vino nanenyile Tito ivya pali mwemwe.

2 Kolinto 7:4

Mwemo namutaila cuze. Lyonsi nkaya ni cilumba pamulandu winu, nga nupya nkakomeleka cuze. Mu ntazi zyane zyonsi nemo ncili nu luzango.

2 Kolinto 9:2

Manyile vino mukulondesya kupeela. Acino nemo namaitumika ku alondezi ya Mwene amu Makedoniya kuti mwe antu amu Akaya mwaiteinye kufuma mwacizo. Ndakai kulondesya kwinu kwa kupeela kwalenga kuti nao kwene yalondesye kupeela.

2 Kolinto 9:4

Pano antu yamwi aku Makedoniya ndi yangiza pamwi nani, nu kuzana ukuti musi aiteyanye. Cii cingatulenga insonyi pano twamupile mulimo uu kuti muombe. Lelo mwemo cingamulenga insonyi kuluta.

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

1 Tesalonika 2:14

Mwe ina itu, ivintu ivyamucitikile, ivili vimwi ni vyacitikile amu mauvi yakwe Leza mu Yudeya, azumila Klistu Yesu. Mwemo mwacuzile pamulandu wa kuzunyiwa na akazi kinu ndi vino Ayuda yayazunyizye.

1 Tesalonika 2:19

Pano amwemwe kusi nayauze, mwe muno tukapaalilamo nu luzango, nu kwiza pokelela penepo cilambu cino tulailumbanyizizya penepo pali Yesu Mwene witu lino aliza nupya.

2 Tesalonika 3:5

Nkulenga ku Mwene kuti wene amutungulule mu kutemwa ndi vino akacita nga nu mukuposya kuno Klistu akapela.

Ayebulai 10:36

Mulinzile kuteeka myenzo, kuti mucite kulonda kwakwe Leza nu kupokelela cino walaya.

Ayebulai 6:12

Tusyakulonda kuti mwemo muye akasu. Lelo mulinzile kuya wakwe yao ataila nupya yano akateeka myenzo, nga yapokelela vino Leza walaya.

Ayebulai 6:15

Abulaamu watesile mwenzo, acino wapokelile na vino Leza wamulavile.

Yakobo 5:11

Yaa, ayano tukati alongo pano yene yaposizye. Muuvwa vino Yobo watesile mwenzo, nga mwamanya na vino pacisila Umwene wamwazwilizye. Pano Umwene wakwatisya mizu nu luse.

2 Petulo 1:6

Ku kumanya kwinu ungilizyini kuikanya. Ku kuikanya kwinu ungilizyini kuposya. Ku kuposya kwinu ungilizyini kuipelesya ku umi wa kupepa Leza.

Umbwilo 14:12

Acino mwe antu yakwe Leza mulinzile kuposya mwe muno mukayela masunde yakwe Leza nu kutaila muli Yesu.