2 Samueli 7:8 - Amazwi Yakwe Leza 2013

⁸ “Ali cino, wemo fwandi pitanga ukanene umuomvi wane Davidi uti, ‘Nene ne Yawe Wamaka yonsi, anene nakufumizye kuku kuno wacemanga imfwele, nu kwiza kulasika uwene pa antu yane aina Izlaeli.

2 Samueli 7:8 ပူးပေါင်းရင်းမြစ်များ

2 Samueli 12:7

Lyene Natani anena Davidi ati, “Wewe uli muntu wilya! Yawe, Leza wa ina Izlaeli watavwanga ati, ‘Nakusolwile ukuya umwene waku Izlaeli, nu kukutuula kuli Saulo.

2 Samueli 14:13

Umwanaci wilya avwanga ati, “Uzye icani cino wacitile iciponge icamusango ndi uu ku antu yakwe Leza, icakukana wezya umuntu wako kuno wapuukila? Wewe kwene wemwisikulu waipela umulandu pa mazwi yano wataka.

2 Samueli 23:1

Yaa ali mazwi akusyalikizya yakwe Davidi: Luu ululi lwimbo lwakwe Davidi, umwana wakwe Yese, amazwi ya muntu wino Leza wakwezya apapela, wino Leza wakwe Yakobo wasolola, kasika wa nyimbo zisuma zyakwe Izlaeli.

2 Samueli 24:17

Lino Davidi walola umungeli uwakomanga antu, anena Yawe ati, “Nene ndi nu mulandu, nupya nene natinifya. Uzye antu yaa apelelwe yacita cani? Ulinzile ukuvunuka nene sile pamwi na aluko lwane.”

2 Samueli 5:2

Ku mpiti, lino Saulo wali umwene awewe kwene watungululanga aina Izlaeli umu nkondo. Yawe nawe wakulavile ukuti ulatungulula antu yakwe nu kuya umwene wao.”

2 Samueli 6:21

Davidi anena Mikala ati, “Nemo nacinanga kuti incindike Yawe, uwasiile so na aluko lwakwe lonsi, lelo ansolola kuti inje intunguluzi ya antu yakwe aina Izlaeli. Nga nani namatwalilila ukucina kuti incindike Yawe,

1 Yamwene 3:6

Solomoni aasuka ati, “We Yawe wakwatile tata nupya umuomvi wako Davidi uluse ulukulu, pamulandu wakuti wene wacitanga ivisuma pa manso yako nupya kacita wa vyawololoke nupya uwacisinka. Nupya watutwalilila ukumulanga uluse lwako ulukulu nu kumupeela umwana umonsi kuti aikale pa cilimba cakwe ica wene apilelo.

1 Yamwene 8:16

‘Ukutandika sile lino ne Yawe nafumizye antu yane, aina Izlaeli mu Eguputo, ntatala nasolola umusumba uwa kukuula mwenemo Ng'anda ikulu ya kumpepela mwenemo. Lelo nakusolola wewe Davidi kuti wateeka nu kutungulula antu yane aina Izlaeli.’ ”

1 Milandu 17:7

Acino nena umuomvi wane Davidi uti, “Nene ne Yawe Wamaka, yonsi nkumunena inti, ‘Anene nakufumizye kuku kuno wacemanga imfwele, nu kwiza kulasika uwene pa antu yane aina Izlaeli.

1 Milandu 21:17

Davidi anena Leza ati, “Uzye asi anene napiile ilamulo ilya kupenda ivita? Cumi kwene nene natinifya, nu kuluvyanya. Antu yaa yali wa mfwele. Uzye iifyo cii lino yene yatiyacita? Owe, we Yawe Leza wane, si ungala uvunuke sile nene na ang'anda yane! Lelo utaleka impungo ii itwalilile apa antu yako.”

Amosi 7:15

Yawe uwizile antola, andesya ni milimo ya kucema imfwele, nga anena ati, “Pita ukaseme ku antu yane aina Izlaeli.”

Milimo 7:46

Davidi wakunzilwe na Leza nga auzya Leza kuti amuzumilizye kukuula ng'anda yakwe Leza wakwe Yakobo.

1 Samueli 10:1

Lyene Samueli atoola umusazi wa mafuta ya miolivi ayapongolwela pa mutwe wakwe Samueli nga amutonsola, nga amunena ati, “Yawe umwisikulu aliwe wakusonta kuti uye umwene wa antu yakwe aina Izlaeli. Wewe uli nu kuteeka antu yakwe Yawe nu kuyatuula ku anisi yao, yano yayalizizya. Wemo ulapelwa icimanyililo ica kukulanga ukuti Yawe watasonta wewe ukuya umwene wa antu yakwe.

1 Samueli 2:8

Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.

1 Samueli 9:16

“Mutondo pa kasita kwene ndi kaka kwene ndakutumila umuntu umwi uwamu mpanga yakwe Benjamini. Ali wino wemo ukasonte ukuya umwene wa antu yane aina Izlaeli. Wene alakulula antu yane ku makasa ya ina Filisti. Nemo natindola ukucula kwa antu yane, pano nuvwa mpiti inkuta yao.”