2 Samueli 7:23 - Amazwi Yakwe Leza 2013

²³ Nupya kusi yano tungakolanya ku antu yako aina Izlaeli, uluko longa pano pansi luno Leza waile ku kukulula ukuti yangaya antu yakwe. Na kuti alumbuke, nga nu kucita ivizungusyo ivikulu ivyakoofya pa kuzinga imitundu ya inamasi kumwi na tuleza twao pa nsita ino antu yako yakwingila mu mpanga ya ulayo ukufuma ku Eguputo kuno wayakulwile.

2 Samueli 7:23 ပူးပေါင်းရင်းမြစ်များ

2 Samueli 7:24

Walenga aina Izlaeli kuti yaye antu yako amanda pe, nu kuti nawe uye Leza wao.

1 Milandu 17:21

Uzye kwaya uluko pano nsi ulukoline na antu yako aina Izlaeli, yano we Leza waile ku kuyakulula kuti yaye antu yako kololo? Ivintu ivyakuzunguka nupya ivyakoofya, vino wemo wacisile, ivyalenzile kuti ulumbuke wakwe cimwi, apa kuzinga antu amu nko zizi pa manso ya antu yako, yano wakuulwile ukufuma ku ina Eguputo.

Neemiya 1:10

“We Yawe, ala yaa aomvi yako nupya antu yako kololo, yano we mweneco wakulwile uku maka yako nu ku makasa yako.

Masamu 106:22

ivizungusyo vino wacisile mumu mu mpanga yakwe Hamu! Iye mwe ivintu nu kupelenganya, vino wacisile kuli Yemba Muyenzu!

Masamu 111:9

Umwene wapususya antu yakwe, wapangana nayo upangano wakuyelelela. Icacumi, uwamuzilo nupya uwa maka!

Masamu 145:6

Nupya antu yalatakola amaka akulu ya milimo yako, nga nani ndalanda ukulu wako.

Masamu 147:20

Atatala wacita vivyo uku mutundu uli onsi, yene yatamanya amasunde yakwe, awe. Lumbanyini Yawe!

Masamu 40:5

We Yawe, Leza wane, ala vino watucitila ivyakuzunguka ivivule, Vino wemo watuteyanyizizya pasi pa wingi. Icacumi pasi nanta wenga uwaya wakwe wewe! Nga cakuti nati nkandande vyonsi pano vyapela, awe cumi ntange nkume mwenemo, pano vyavula wakwe cimwi.

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

Masamu 65:5

Ukaatwasuka we Leza, we katuula witu. Apa kututuula, wemo ukacita ivintu ivyakuzunguka. Antu yonsi apano nsi kumwi na yano yaya ukumbalama yakwe yemba, munuli amuno yataila.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Kufuma 12:12

“Pa wanda ulya usiku ndasalala mu mpanga ya Eguputo nu kukoma umwana wi yeli wensi umonsi. Iyeli lya muntu nga ni yeli lya nyama kwene ndakoma. Ndavunuka tuleza tonsi twamu Eguputo. Nene indi Yawe.

Kufuma 33:16

Ndi cakuti wewe wapita naswe, ali wensi amamanya ukuti ukazangila mu antu yako pamwi nani. Cii cilalanga ukuti twaiyela ku antu amu nsi, ndi wewe wapita naswe.”

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Kufuma 9:15

Ndi cakuti naomvizye maka yane akuponya impungo pali wewe na antu yako, ngani namonona mwensi.

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Yelemiya 32:20

Awewe wacisile ivimanyililo ni vipezyamano mu mpanga ya Eguputo nupya avino ukacita ukufika na pali ndakai mu ina Izlaeli nu mu antu yonsi. Wailonkela izina lino ukweti apilelo.

Yelemiya 32:21

Wafumizye umutundu wako wa ina Izlaeli mu mpanga ya Eguputo, umu vimanyililo nu ku vipezyamano, apakutambalika ikasa lyako lyamaka ni ngofyo zikulu.

Ezekelo 20:9

Lelo nacindikanga izina lyane, naleka nu kuti litazewana pa manso ya mitundu muno yikalanga mwenemo. Pano nanenyile imitundu iyo inti ndafumya mutundu wane mu mpanga ya Eguputo pa manso inu.

Mpendwa 6:27

Alino Yawe avwanga ati, “Ndi yataka izina lyane ukuya upolelelo pa ina Izlaeli, indayapolelela.”

Efeso 1:6

Lekini tulumbanye Leza pa cikuku cakwe ca lulumbi, na pa wila uno watupeela mu Mwana wakwe mukundwe!

Malango 10:21

Mwamulumbanya. Wene ali Leza winu, wino wamucitila ivintu ivikulu ivyakuzunguka nupya ivyakoofya vino mweisikulu mwailolile na manso inu.

Malango 15:15

Mwaiusya ukuti mwemo mwali azya mu mpanga ya Eguputo nga Yawe Leza winu wamukulwile nga imuya antungwa. Uli mulandu uno ndakai nkumupeela ilamulo lii.

Malango 33:29

Icumi mwe ina Izlaeli, mwemwe alongo! Kutatala kwaya yamwi akoline namwe, uluko luno Yawe watuula. Yawe umwisikulu ali cisyangu nu lupanga lwinu, ulwakumucingilila nu kumupeela ucimvyo. Anisi inu yaliza kunomuli nu kupapata kuti muyalolele uluse, lelo mwemo mulayalyatola pansi.

Malango 9:26

Nga nani napefile inti, ‘Iye, we Yawe Simwandalali, utezya wonone antu yako, antu yako kololo yano wakulwile nu kuyafumya mu Eguputo ku ulamba na maka yako akulu.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Yoswa 7:9

Lino aina Kenani pali pamwi na antu yauze akaya ya mpanga ilya yaluvwa cii, yaliza yatuzinguluke nu kutulovya swensi pano pansi. Uzye lyene wemo ulacita cani pakuti umucinzi wako ukulu utakononeke?”

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.