2 Samueli 7:15 - Amazwi Yakwe Leza 2013

¹⁵ Lelo kwene ntalata ukumuyela uluse, wakwe vino nacisile kuli Saulo, wino nafumizye pa wene kuti we Davidi uye umwene.

2 Samueli 7:15 ပူးပေါင်းရင်းမြစ်များ

2 Samueli 7:14

Nani ndaya isi, nawe alaya umwanane. Ndamunyamba wakwe vino isi wa muntu akakalipila umwana.

2 Samueli 7:16

Uluko lwako nu wene wako vilayelelela amanda yonsi pa manso yane. Nupya uwene wako ulaya uwa manda pe.’ ”

1 Yamwene 11:13

Nanti cili vivyo, umwana wako wene ntalamupokolola uwene onsi, lelo ndamuzumilizya ukusyala nu mutundu onga auno ateeka. Nalyo kwene ndacita cico pamulandu sile wakwe so Davidi umuomvi wane alino na pamulandu wa musumba wa Yelusalemu, uno nasolola kuti uye uwakwane.”

Masamu 89:28

Nani namamukwatilanga uluse lyonsi, nu upangano wane na aliwe umayelelelanga pee.

Masamu 89:31

ndi yaca yasuula amalamulo yane, yata nu kuwaka amasambilizyo yane,

Masamu 89:33

Lelo Davidi wene ntalata ukumutemwa, nanti ukuposiwa ukufikilizya ulayo wane kunoli.

Masamu 89:34

Nemo ntalatala nonone upangano wane nawe, nanti ukusenuka muli vino ndavwanga.

Masamu 89:49

We Yawe, uzye visininkizizyo vya kutemwa kwako lyene vili kwi? Vivyo vino walavile Davidi ukuti ulaya uwakutailwa?

Ezaya 37:35

Anene nkusunga nu kucingilila umusumba uu, apakulanga vino ne mweneco nacindama, na pa ulayo uno nalavile umuomvi wane Davidi.”

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

1 Samueli 15:23

Pano ukutalama kukoline ni iifyo lya ulozi, nga ukuitutumika nako kukoline nu kupepa utuluwi. Pamulandu wakuti wemo watukana ukuyela amazwi yakwe Yawe, nawe kwene watakukana ukuya umwene.”

1 Samueli 15:26

Lelo Samueli avwanga ati, “Awe, nemo nsikupita nawe. Wemo watukana ukuyela amazwi yakwe Yawe, nga acino nawe kwene watakukana ukuya umwene pa ina Izlaeli!”

1 Samueli 15:28

Samueli avwanga ati, “Yawe watapoka uwene wa ina Izlaeli kuli wewe ilelo kwene nu kuupela ku muzo umuntu wampomvu ukuluta wewe.

1 Samueli 16:14

Mupasi wakwe Yawe walanga wafuntuka Saulo, nga umupasi wankota uno Yawe watumile pali pakucuzya Saulo.

1 Samueli 19:24

Saulo wiyo pali pakuzula ni nsalu zyakwe zino wazwite. Alino nawe kwene atandika ukusema pa manso yakwe Samueli. Wene alala pansi tupu uwanda ulya onsi nga nu usiku kwene. Ali kuno kwafumile nu muvwango uwakuti, “Uzye Saulo nawe wali akasema?”