2 Samueli 7:13 - Amazwi Yakwe Leza 2013

¹³ Mwana wako ali wino alankuulila ing'anda, nani ndalenga kuti ana yakwe yace yalondekana ukuya aene, amanda pe.

2 Samueli 7:13 ပူးပေါင်းရင်းမြစ်များ

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

2 Samueli 22:51

Leza akapeela ukucimvya ukukulu ku mwene wino wasonta. Wene akalanga ukutemwa ukwa pe. Kuli Davidi na amu mupanda wakwe amanda pe.

2 Samueli 7:16

Uluko lwako nu wene wako vilayelelela amanda yonsi pa manso yane. Nupya uwene wako ulaya uwa manda pe.’ ”

2 Samueli 7:27

We Yawe Wamaka yonsi, Leza wa ina Izlaeli, pamulandu wakuti watuvwanga kuli nene ne muomvi wako uti, ‘Ndatoola ana yako, ayano yace yaya pa wene,’ ali cino nu kupama natimpama pa kupepa ipepo lii.

1 Yamwene 2:24

Pasi pano, Yawe uwa umi, aliwe antesile pa cilimba ca wene cakwe tata Davidi. Wene wafikilizya ulayo wakwe nu kupeela uwene kunondi nu ku amu mupanda wane. Acino nkulapa nu mulapo umwi zina lyakwe Yawe ukuti Adoniya amafwa ilelo kwene.”

1 Yamwene 2:4

Ndi cakuti wayela, ale lyene Yawe nawe alafikilizya ulayo uno wandavile ati, ‘Ndi cakuti amu mupanda wako yatekela mu wikazi wao, ndi yamanjelanga ni myenzo nga nu umi wao onsi, ale utalatala uulizye umuntu uwakuteeka Izlaeli.’ ”

1 Yamwene 2:45

Lelo Yawe alampolelela ne mwene Solomoni, nga nu wene wakwe Davidi alaucingilila amanda pe.”

1 Yamwene 5:5

Avino lyene nkasi kukuulila Yawe Leza wane Ng'anda ikulu, ndi muno Yawe wanenyile tata Davidi ati, ‘Umwana wako umonsi wino ndalasika pa cilimba ca wene aliwe alankuulila Ng'anda ikulu muno mulauvwika izina lyane.’

1 Yamwene 6:12

“Wakwe vino ciili pa Ng'anda ikulu yakwe Leza ino uku kuula, wemo ndi cakuti umalondelanga amasunde yane, pamwi ni vyeo vyane vyonsi ndakucitila vino nalavile so Davidi.

1 Yamwene 8:13

Nga lelo anene nakukuulila ng'anda ikulu yalulumbi, umwakuti waikala pe na pe.”

1 Yamwene 8:15

Umu upolelelo wakwe avwanga ati, “Alumbanyiwe Yawe, Leza wa ina Izlaeli! Aliwe wafikilizya ulayo uno walavile tata Davidi, lino wamunenyile ati,

1 Yamwene 8:19

Lelo asi wewe Davidi wemuno ulankuulila Ng'anda ikulu ya kupepela mwenemo. Ala umwanako wino waivyalila, umwanako kololo, awino alankuulila Ng'anda ikulu muno mulauvwika izina lyane.’

2 Yamwene 21:4

Wene wakuuzile nu tuvuwa umu Ng'anda ikulu yakwe Yawe, apa ncende ino Yawe wavwanzile ukuti ali pano yali nu kumupepela penepo insita zyonsi.

2 Yamwene 21:7

Lyene Manase atoola iciluwi cico icakolana nu mwanaci nga aya aciika mu Ng'anda ikulu yakwe Yawe, mu cifulo cino Yawe wavwanzile kuli Davidi nu mwana wakwe Solomoni ati, “Mukwene umu Yelusalemu, umu Ng'anda ikulu kwene ii, umu ncende ino nemo nasolola ukufuma mu mpanga yonsi ya mitundu yakwe Izlaeli, ali muno yalampepela amanda pe.

2 Yamwene 8:19

Nanti wene wacitanga iviipe, Yawe atalondanga ukulovya Ayuda, apamulandu wakuti walavile Davidi umuomvi wakwe ukuti ana yakwe ali yano yalapyana lyonsi apa wene.

1 Milandu 28:10

Lyene elenganya ningo apa vintu vii, pasi pano Yawe wakusolola kuti umukuulile ng'anda, umwakuti wene aikalamo ungati umwakwe. Posya kuti uombe umulimo uu.”

2 Milandu 33:4

Alino wakuuzile nu tuvuwa utwaciwelewele mu Ng'anda ikulu yakwe Yawe, muno Yawe umweneco wavwanzile ukuti ali muno yalamucindikila nu kumupepa.

2 Milandu 6:16

Ali cino lyene fwandi, we Yawe Leza wakwe Izlaeli ungala usunge na malayo yano walavile tata Davidi umuomvi wako, lino wavwanzile uti, insita sile zyonsi swe ana yakwe Davidi, wenga uwamu mupanda wakwe tata amaikalanga apa cilimba ca wene, icakuteeka aina Izlaeli, cikulu sile naswe twalondela amasunde yako ningo wakwe vino Davidi umweneco wacitanga.

Yobo 36:7

Leza akacingilila antu akacita vyaololoke, nu kuleka kuti yateke wa ene, nu kucindikwa umuyayaya.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Masamu 89:21

Amaka yane yamamusunganga pee na pee ulamba wane umamukomyanga umuyayaya.

Masamu 89:29

Ana yakwe ali yano yamatwalililanga ukuya apa wene pee, nu wene wao ulayelelela pee na ndi, wi yulu.

Masamu 89:4

‘Ndalasika amu mupanda wako apa cilimba ca wene umuyayaya. Nu wene wako ndaukomya umu nkulo zyonsi.’”

Ezaya 49:8

Yawe wavwanga wati, “Akasita ka kumupususya ndi kafika, nemo ndamulola luse luse nu kwasuka impooma zinu, ndi mwalila iyoyomba. Nemo ndamulinda nu kumucingilila. Mulaleka nu kuti ince ncite upangano, apakasi kao nani. Ndaleka kuti muce mwikale nupya mu mpanga yaupyanyi ino yasyala ntangali ntangali.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Yelemiya 33:17

Apa mulandu kwene uu, nemo ne Yawe nalaya nati, “Davidi atalatala aulilwe umuntu uwakuteeka pa cilimba ca wene wa ina Izlaeli.

Ezekelo 37:25

Yalaikala umu mpanga ino napiile umuomvi wane Yakobo, umwikalanga ni vikolwe vyao. Ali muno na eneco kwene yalaikala amanda pe pamwi na ana yao, kumwi ni vizikulula vyao kwene.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Zakaliya 6:12

Ukamunene ukuti ne Yawe Wamaka yonsi navwanga nati, ‘Umuntu wino akaamwa ukuti umusambo, wakulilila papo kwene pano ali, nga nu kukuulila Yawe Ng'anda ikulu cipya cipya.

Zakaliya 6:13

Aliwe kwene alankuulila Ng'anda yane ikulu ne Yawe, nupya alacindama wa mwene wa muno nsi, wiyo alaateeka na antu yakwe. Alakwatapo simapepo wenga wino alaaimilila pa cilimba cakwe ca wene, yonsi yoili yalauvwana nu kuombela ca pamwi mu mutende.

Mateo 16:18

Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.

Ayebulai 3:3

Muntu wino akakuula ng'anda akapokelela mucinzi kuluta mucinzi wa ng'anda kwene iyo. Mu musango uli onga Yesu alinzile kupelwa mucinzi ukulu kuluta uno wapelwa kuli Mose.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.