2 Samueli 7:12 - Amazwi Yakwe Leza 2013

¹² Ndi cakuti wafwa, yakuzika ukwalala ivikolwe vyako, indasonta umwana wako wenga pali yano waivyalila nu kumucita umwene. Nu wene wakwe ndaukomya sana.

2 Samueli 7:12 ပူးပေါင်းရင်းမြစ်များ

Utandiko 15:4

Nga Yawe nupya amunena ati, “Elieza, muzya wako atalapyana vyuma vyako, lelo umwana wako umonsi, uwa munuli alaya mpyanyi yako.”

2 Samueli 22:51

Leza akapeela ukucimvya ukukulu ku mwene wino wasonta. Wene akalanga ukutemwa ukwa pe. Kuli Davidi na amu mupanda wakwe amanda pe.

1 Yamwene 1:21

Ndu tacisile vivyo, ale lyene zuwazuwa lino ulafwa Solomoni umwana wane umonsi pamwi nani kwene yalatukoma kwati sweswe yacisanguka.”

1 Yamwene 1:48

nga apepa ati, ‘Alumbanyiwe Yawe, Leza wa ina Izlaeli, wino ilelo kwene wataika wenga uwamu mupanda wane pa cilimba ca wene. Nupya wene watandenga ukuya nu umi nu kulola icintu cii!’ ”

1 Yamwene 2:1

Lino Davidi waya mu pipi nu kufwa, aama Solomoni umwana wakwe pakuti amunene amazwi yakwe akusyalikizya autunguluzi. Amunena ati,

1 Yamwene 2:10

Lyene Davidi afwa nga iyamuzika mu musumba wakwe Davidi.

1 Yamwene 2:4

Ndi cakuti wayela, ale lyene Yawe nawe alafikilizya ulayo uno wandavile ati, ‘Ndi cakuti amu mupanda wako yatekela mu wikazi wao, ndi yamanjelanga ni myenzo nga nu umi wao onsi, ale utalatala uulizye umuntu uwakuteeka Izlaeli.’ ”

1 Yamwene 5:5

Avino lyene nkasi kukuulila Yawe Leza wane Ng'anda ikulu, ndi muno Yawe wanenyile tata Davidi ati, ‘Umwana wako umonsi wino ndalasika pa cilimba ca wene aliwe alankuulila Ng'anda ikulu muno mulauvwika izina lyane.’

1 Yamwene 8:15

Umu upolelelo wakwe avwanga ati, “Alumbanyiwe Yawe, Leza wa ina Izlaeli! Aliwe wafikilizya ulayo uno walavile tata Davidi, lino wamunenyile ati,

1 Yamwene 8:19

Lelo asi wewe Davidi wemuno ulankuulila Ng'anda ikulu ya kupepela mwenemo. Ala umwanako wino waivyalila, umwanako kololo, awino alankuulila Ng'anda ikulu muno mulauvwika izina lyane.’

1 Yamwene 8:20

“Ali cino fwandi lyene Yawe watafikilizya ulayo wakwe. Pasi pano nene napyana Davidi, kuti nateeka aina Izlaeli ndi muno walavile, nga natinkuulila Yawe Ng'anda ikulu, Leza wa ina Izlaeli, umwakuti izina lyakwe lyauvwika.

1 Yamwene 9:5

lyene ale ndaleka icilimba ca wene wako ciyelelele mu Izlaeli wakwe muno nalavile so inti, ‘Utalatala uulizye umuntu wako pa cilimba ca wene uwamu Izlaeli.’

2 Yamwene 8:19

Nanti wene wacitanga iviipe, Yawe atalondanga ukulovya Ayuda, apamulandu wakuti walavile Davidi umuomvi wakwe ukuti ana yakwe ali yano yalapyana lyonsi apa wene.

1 Milandu 17:11

Lino waca wafwa nu kuzikwa pamwi ni vikolwe vyako, ndalasika wenga uwamu ana yako kololo pa cilimba ca wene, kuti akupyane. Nupya ndakomya uwene wakwe.

2 Milandu 1:9

Acino we Yawe Leza wane, sungala ule ufikilizye ulayo uno walavile tata. Watumpeela uwene wakuteeka iuvi lii lyonsi livule wa musensenga wa nsi.

2 Milandu 13:5

Uzye mutamanya ukuti Yawe, Leza wa ina Izlaeli wapangine upangano na Davidi uno utanga upanguluke? Upangano uo uwakuti, wene pamwi naswe swe ana yakwe, asweswe tumatekanga aina Izlaeli amanda pe.

2 Milandu 21:7

Lelo nanti cali vivyo Yawe atalondanga ukukoma akazi kakwe Davidi yonsi pamulandu wa upangano na isi Davidi, nupya wamulavile kuti ali nu kupeela Davidi na izikulu ulukozyo lwa manda pe.

2 Milandu 23:3

Ukongano uu wacitike ndi muno yazumilizinye nu mwene kuti yakongane umu Ng'anda ikulu yakwe Leza. Nga Yeoyada atandika ukunena antu akongine ati, “Yoasyi auwi, umwana wa mwene. Wene amaya umwene ndi muno Yawe wavwanzile kulozya ku ana yakwe Davidi.

2 Milandu 6:15

Pasi pano wemo usifutuka ulayo uno walavile tata Davidi, ali cino wemo ilelo wafikilizya.

2 Milandu 6:9

Nanti cili vivyo, asi awewe ulankuulila Ng'anda ikulu awe. Lelo umwanako umonsi, umwanako kololo, aliwe alankuulila Ng'anda ikulu muno mulauvwika izina lyane.’

Masamu 89:29

Ana yakwe ali yano yamatwalililanga ukuya apa wene pee, nu wene wao ulayelelela pee na ndi, wi yulu.

Ezaya 11:10

Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Yelemiya 33:17

Apa mulandu kwene uu, nemo ne Yawe nalaya nati, “Davidi atalatala aulilwe umuntu uwakuteeka pa cilimba ca wene wa ina Izlaeli.

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Mateo 1:1

Kuu kuli kulondolola kwa mupanda wa vikolwe vyakwe Yesu Klistu, mwana wakwe Davidi, mwana wakwe Abulaamu.

Luka 1:32

Alaya mukulu nupya alaamwa u Mwana wakwe Leza uwa papelapela. Mwene Leza alamupeela uwene wakwe Davidi cikolwe cakwe,

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Milimo 13:36

Pano Davidi wacisile kulonda kwakwe Leza mu manda amu mukulo wakwe, nga lino wafwile yamuzisile pamwi ni vikolwe vyakwe, nu mwili wakwe waozile.

Milimo 2:30

Wali akasema nupya wamanyile na cino Leza wamulavile. Leza walavile nu mulapo ukuti alimika umwi uwamu mupanda wakwe ukuya mwene, ndi vino Davidi wali.

1 Kolinto 15:51

Uvwini nkama ino nati namulondolwela. Asi swensi swe muno tulafwa. Lelo lino ntandala yakusyalikizya ilalila, swemo tulasenulwa.

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

1 Tesalonika 4:14

Swemo twataila ukuti Yesu wafwile nga nupya wazyukwike. Caleka twataila ukuti cilaya cili cimwi kwene na kuli yao afwa nu utailo muli Yesu. Leza alayazyukula nu kayaleta pamwi na Yesu.