2 Samueli 6:21 - Amazwi Yakwe Leza 2013

²¹ Davidi anena Mikala ati, “Nemo nacinanga kuti incindike Yawe, uwasiile so na aluko lwakwe lonsi, lelo ansolola kuti inje intunguluzi ya antu yakwe aina Izlaeli. Nga nani namatwalilila ukucina kuti incindike Yawe,

2 Samueli 6:21 ပူးပေါင်းရင်းမြစ်များ

2 Samueli 5:2

Ku mpiti, lino Saulo wali umwene awewe kwene watungululanga aina Izlaeli umu nkondo. Yawe nawe wakulavile ukuti ulatungulula antu yakwe nu kuya umwene wao.”

2 Samueli 6:14

Davidi wazwite cakuzwala ca efodi icapangilwa ku nsalu itelepelele umu musana, nga acina apapezile amazya yakwe yonsi kuti acindike Yawe.

2 Samueli 6:16

Lino Mbokosi ya Upangano yakwe Yawe ikwingiziwa mu Musumba wakwe Davidi, Mikala umwana umwanaci wakwe Saulo ale akusungamila pa nzota. Lyene alola kuno umwene Davidi akucina nu kutoloka pa manso yakwe Yawe. Lyene amusuula umu mwenzo wakwe.

2 Samueli 6:22

nupya namaipupanya nu kuluta. Wemo ungelenganya ukuti nemo insi cimwi, lelo anaci yaya yamancindikanga wakwe cimwi.”

2 Samueli 6:5

Davidi nawe pali pamwi na ina Izlaeli yonsi ala yakuzevya apapezile amaka yao yonsi kuti yacindike Yawe. Ala yakulizya yababatoni, na yabanjo, nu tungoma, ni minsokwe, ni viwaya.

2 Samueli 7:8

“Ali cino, wemo fwandi pitanga ukanene umuomvi wane Davidi uti, ‘Nene ne Yawe Wamaka yonsi, anene nakufumizye kuku kuno wacemanga imfwele, nu kwiza kulasika uwene pa antu yane aina Izlaeli.

1 Milandu 15:29

Lino Mbokosi ilya ya Upangano ikwingiziwa mu musumba wakwe Davidi, Mikala umwana umwanaci wakwe Saulo ala asungamile ukunzi apa nzota. Nga lino walola umwene Davidi akucina nu kuzevya, atandika kumusula umu mwenzo wakwe.

Milimo 13:22

“Pacisila lino wamusisya, Leza acita Davidi kuya mwene wao. Vii avino Leza wavwanzile pamulandu na aliwe, ati, ‘Nati nzana vino Davidi mwana wakwe Yese, ali muntu wino umwenzo wane watemwa, wino alacita vyonsi vino nemo nkalonda kuti acite.’

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

1 Samueli 13:14

Lelo ndakai uwene wako utamalengela. Yawe watailondela umuntu muze wino akasi nu kumulasika utesi pa antu yakwe, pamulandu wakuti wemo wakana ukusunga isunde lyakwe.”

1 Samueli 15:28

Samueli avwanga ati, “Yawe watapoka uwene wa ina Izlaeli kuli wewe ilelo kwene nu kuupela ku muzo umuntu wampomvu ukuluta wewe.

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”

1 Samueli 16:12

Fwandi vili vino Yese watumile akuyamuleta, nawe aya amuleta. Walolekanga umuyenzulukile na manso yakwe asuma, nga ni cinso cakwe cali icisuma. Alino Yawe avwanga ati, “Katuka umupake amafuta. Umuntu wi aliwe kwene.”