2 Samueli 6:20 - Amazwi Yakwe Leza 2013

²⁰ Lino Davidi wawelulwike ukwakwe ku kupolelela amu mupanda wakwe, Mikala umwana umwanaci wakwe Saulo aiza ku kumukomenkanya nga amunena ati, “Iye mwe vino umwene waku Izlaeli wali wailanga ilelo! Umwene wali wailanga wa muntu umuwelewele pa manso ya anaci aomvi akaombela aomvi yakwe!”

2 Samueli 6:20 ပူးပေါင်းရင်းမြစ်များ

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

2 Samueli 6:14

Davidi wazwite cakuzwala ca efodi icapangilwa ku nsalu itelepelele umu musana, nga acina apapezile amazya yakwe yonsi kuti acindike Yawe.

2 Samueli 6:16

Lino Mbokosi ya Upangano yakwe Yawe ikwingiziwa mu Musumba wakwe Davidi, Mikala umwana umwanaci wakwe Saulo ale akusungamila pa nzota. Lyene alola kuno umwene Davidi akucina nu kutoloka pa manso yakwe Yawe. Lyene amusuula umu mwenzo wakwe.

2 Samueli 6:18

Pacisila lino wamala ukupeela amawila yakoca na autandano, apolelela antu umwi zina lyakwe Yawe Wamaka yonsi

2 Samueli 6:19

Lyene aankanya antu yonsi ivyakulya. Cila muntu wensi umu Izlaeli amupeela umukate pamwi ni cifwa ca nyama iyoce ukwika penepo na kacikamangwa ka viseekwa vya matingi.

1 Milandu 16:43

Lyene antu yonsi yapita kumwao, nga Davidi aswilila ukwakwe kuti atale aikale na amu ng'anda yakwe.

Yobo 30:8

Ana yao lyene yali sile wa viwelewele, yatakweti izina, nu kuyazinga yayazinga umu mpanga yao.

Masamu 101:2

Imiyele yane imayanga iyakwe ukayele. Uzye ulawela lilaci kunondi? Nemo ukwane namaikalanga ni misango isuma.

Masamu 30:1

Namakulumbanya we Yawe, pano awewe wati untuula. Utalesile kuti anisi yane yaitanka pali nene.

Kasambilizya 7:17

Utayesya umwipe, nupya utayesya iciwelewele. Uzye pacani cino ungafwila lino insita yako yakufwa itali ifike?

Mako 14:66

Lino Petulo watenzi mu musolo wi Tengo, kwiza umukazyana wenga uwamu yaomvi yakwe Simapepo Mukulu.

Mako 3:21

Lino akazi kakwe yuvwile pali cii, iiza kuti yamutole, pano antu yatangi, “Watapena!”

Yoane 13:6

Alino aiiza kuli Simoni Petulo nga nawe amunena ati, “Mwene, uzye wewe umafula ingazo zyane?”

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

Yakapingula 9:4

Iyamupeela ulupiya lwakwe siluva ukulingana amakumi cinimbali ukufuma mu ng'anda ikulu yakwe Baali Beliti. Ulupiya kwene lulo luli luno Abimeleki aomvya ku kulembelapo awelewele, yamapuzu akuti yamulondela.

1 Samueli 14:49

Ana aonsi yakwe Saulo yali a Yonatani, na Isyivi, na Malikisyua. Na yaa ali mazina ya ana yakwe anaci: nyinalenzi wali a Melabi, nga umuto wali a Mikala.

1 Samueli 18:20

Lelo Mikala, umwana umukazyana namuze wakwe Saulo, atemwa sana Davidi. Lino yanena Saulo umulandu uu, awe icimuzanzya.