2 Samueli 6:2 - Amazwi Yakwe Leza 2013

² Wene pamwi na antu yakwe yonsi iyatenuka ukufuma ku Baali waku Yuda ku kusenda Mbokosi ya Upangano yakwe Leza, ino ikaamilwa ukwi zina lyakwe Yawe Wamaka yonsi, wino ali apakasi kakwe yakelubi yano ali pa Mbokosi kwene iyo.

2 Samueli 6:2 ပူးပေါင်းရင်းမြစ်များ

2 Samueli 22:11

Wene akwela pali yakelubi nga apupuka umu lwilo. Wene apita ale akwezile pa mapa yacimuza.

Masamu 80:1

Uvwa kuno wemuno ukacema aina Izlaeli, we muno ukatungulula antu yako wa ufyo wa mfwele. Wemuno wikala apapela yakwe ya kelubi.

Masamu 99:1

Yawe aliwe akuteeka, imitundu ya antu ikuizakazila sile, wene wikala papela yakwe ya kelubi, si lekini insi yatenta.

Ezaya 47:4

Wamuzilo wilya wakwe Izlaeli ali Mukuluzi witu, ni zina lyakwe a Yawe Wamaka yonsi.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Yoswa 15:60

Na Kilyati Baali (kuli kuti, Kilyati Yealimu) na Laba. Yonsi pamwi yali imisumba iili ni mizi yakweyo.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

1 Samueli 4:4

Acino antu iyatuma aonsi yamwi ku Syilo, nga nayo iyawezya Mbokosi ya Upangano wakwe Yawe Wamaka yonsi, wino icilimba cakwe ica wene caya pakasi kakwe yakelubi. Ana yakwe Eli yaili. Hofini na Pineasi, yali kuku pamwi ni Mbokosi ya Upangano ilya.

1 Samueli 6:21

Lyene iyatuma inkombe ku ina Kilyati Yealimu, iyati, “Aina Filisti yatiyawezya Mbokosi ya Upangano yakwe Yawe. Acino tentemukilini kuno mwize muisende ku mwinu kuko.”

1 Samueli 7:1

Caleka aina Kilyati Yealimu yiiza yasenda Mbokosi ya Upangano yakwe Yawe. Iyaitwala ku ng'anda yakwe Abinadabu pa mwamba. Alino iyapaatula Eleaza umwana wakwe umonsi kuti asunga Mbokosi ya Upangano yakwe Yawe.