2 Samueli 5:7 - Amazwi Yakwe Leza 2013

⁷ (Lelo Davidi apokolola umusumba wao wi linga uwa Zioni, umusumba nga iyawama ukuti “Umusumba wakwe Davidi.”)

2 Samueli 5:7 ပူးပေါင်းရင်းမြစ်များ

2 Samueli 5:8

Uwanda kwene uwa Davidi auzya antu yakwe ati, “Uzye umwi wapata aina Yebusi ndi vino nayapata, cakuti angaya akayakome? Lyene pitini muli yamwimbwe nga mukome antu yaya asi na maka nupya impafu.” Uli mulandu umuvwango ukati, “Impafu ni vilema vitangingila mu ng'anda yakwe Yawe.”

2 Samueli 5:9

Pacisila cakupokolola umusumba wi linga, Davidi aikala mwenemo nu kuutemela izina ati, “Umusumba wakwe Davidi.” Aukuulilila ukuzinguluka, ukutandikila sile ku Milo mpaka nu kwingila umukasi.

2 Samueli 6:10

Wene welenginye ukuntasenda Mbokosi ya Upangano yakwe Yawe ku Yelusalemu. Nga lelo apaluka nu kuitwala ku ng'anda yakwe Obedi Edomu umukaya uwamu musumba wa Gati.

2 Samueli 6:12

Lyene lino umwene Davidi uvwa ukuti Yawe watapolelela Obedi Edomu na amu ng'anda yakwe pamulandu wakusunga Mbokosi ya Upangano yakwe Leza, akatuka aya aifumya ku ng'anda yakwe Obedi Edomu nga aitwala ku Yelusalemu ala akuzevya wakwe cimwi.

2 Samueli 6:16

Lino Mbokosi ya Upangano yakwe Yawe ikwingiziwa mu Musumba wakwe Davidi, Mikala umwana umwanaci wakwe Saulo ale akusungamila pa nzota. Lyene alola kuno umwene Davidi akucina nu kutoloka pa manso yakwe Yawe. Lyene amusuula umu mwenzo wakwe.

1 Yamwene 2:10

Lyene Davidi afwa nga iyamuzika mu musumba wakwe Davidi.

1 Yamwene 3:1

Solomoni wacisile upangano na Falao umwene waku Eguputo nu kutwala umwana wakwe Falao. Akusizya umuci ku musumba wakwe Davidi mpaka lino wamalila kukuula isano lyakwe, ni Ng'anda ikulu yakwe Leza, nga ni liinga ukuzingulusya Yelusalemu.

1 Yamwene 8:1

Lyene Mwene Solomoni akonganika mu Yelusalemu aikolo amu Izlaeli, intunguluzi zyonsi zya mitundu nga ni nko zya ina Izlaeli, pakuti zisende Mbokosi ya Upangano yakwe Yawe ukufuma ku Zioni, umusumba wakwe Davidi nga ziilete ku Ng'anda ikulu yakwe Yawe.

1 Yamwene 9:24

Pa nsita kwene ilya umwana umwanaci wakwe Falao walanga ataiza ukufuma ku musumba wakwe Davidi nga aya kwi sano lino Solomoni wamukuulile. Alino Solomoni atandika kukuula ilinga lya Milo ilyayelile ku ufumondaka wa musumba.

1 Milandu 11:7

Apamulandu wakuti Davidi waile aikala mu musumba ulya uwi linga, alino cino yautemile izina yati Umusumba wakwe Davidi.

2 Milandu 24:16

Yamuzisile mu musumba wakwe Davidi pamwi na yamwene pamulandu wa visuma vino wacisile mu mpanga ya Izlaeli nupya apa kutumikila Leza kumwi ni Ng'anda yakwe kwene ikulu.

2 Milandu 5:2

Alino lyene umwene Solomoni aama aikolo ya mitundu ni nko zya ina Izlaeli kuti yakongane uku Yelusalemu apakuti yingizye Mbokosi ya Upangano ukufuma uku Zioni, umusumba wakwe Davidi nu kuikusizya mu Ng'anda ikulu yakwe Yawe.

Neemiya 3:15

Syaluni umwana umonsi wakwe Kolioze, uwateekanga citungu ca Mizipa, uwakuuzile Mpongolo ya Kafukoka. Aikuululula nga aikapo ni paala, ni visasa alino ni mifikilo yaviko. Akuula ni linga ukufika nu ku Ciziya ca Siloamu apipi ni calo ca mwene, ukufuma uku utampilo mpaka ukufika nu ku mpela ya musumba wakwe Davidi.

Masamu 132:13

Pano Yawe wasolola Zioni, ali wino watemwa kuti aye icifulo cakwe ca kwikalamo.

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Masamu 48:12

Tantamini imilongo, muzinguluke umusumba wa Zioni mufume mukupenda amalinga yakweo.

Masamu 48:3

Leza watailanga ukuti aliwe amuno antu yakwe yakazina, umukasi ki linga lya musumba wakwe.

Masamu 51:18

We Leza, uku luse lwako ungakomelezya Zioni, apakuti ilinga lyaku Yelusalemu, likulwe cipya cipya.

Masamu 87:2

Yawe watemwisya umusumba wa Zioni ukuluta uwikalo onsi uwaya ukuli konsi kuno amu mupanda wakwe Yakobo yakaikala.

Masamu 9:11

Imbilini nyimbo zyakulumbanya Yawe, wiyo uwikala umu Zioni. Landilini ainamasi ivicitwa vyakwe.

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Ezaya 59:20

Lelo wene alizila aina Yelusalemu wakwe Katuula wao, nu kwiza pususya yonsi yano yazenzuka ku uyi wao. Kuu kuli kulanda kwakwe Yawe

Yelemiya 21:13

Ala awewe kwene, awewe nkulwisya we Yelusalemu we muno wikala apa sanzuke, wa ciliwe cino catumpuka apapela mu cifoloma. Lelo nemo ndalwisya mwemwe. Mwemo mukalanda muti kusi nanti wenga wino angamuzanza nanti kumwingilila mu vifulo vinu vya kuzinamo.

Mika 4:2

Antu amu nko zivule yaliza, nga yalavwanga yati, “Tuini tukwele uku mwamba wakwe Yawe, ku Ng'anda yakwe Leza wakwe Yakobo. Wene alatusambilizya vino akasi kuti twacita, nga naswe tumapitanga umu nzila zyakwe. Pano uku Zioni ukulafuma usambilizyo wakwe, uku Yelusalemu ukulafuma amazwi yakwe Yawe.”

Loma 9:33

Ndi vino malembelo yakati, “Lolini naika mu Zioni iwe lya kuipuma, ililalenga kuti antu yapumike nu kupona. Lelo wino wensi uwataila munoli atalacitwa insonyi.”

Ayebulai 12:22

Lelo mwemo mwiza ku Mwamba wa Zioni nu ku musumba wakwe Leza uwa umi, Yelusalemu uwa kwiyulu, muno mwaya angeli mintapendwa.

Umbwilo 14:1

Nupya ndola Mwana wa mfwele aimi pa mwamba wa Zioni. Wene wali pamwi na antu mazimbi mwanda onga makumi yani na yani (144,000) yano pa mausyu yao palemvilwe izina lyakwe nga ni zina lyakwe Isi.