2 Samueli 5:5 - Amazwi Yakwe Leza 2013

⁵ Wene wateesile umu Hebuloni umu mpanga yakwe Yuda imyaka cinimbali ni myezi mutanda. Alino umu Yelusalemu namo wateesile imyaka amakumi yatatu na itatu.

2 Samueli 5:5 ပူးပေါင်းရင်းမြစ်များ

2 Samueli 12:8

Nakupiile uwene wa musambazi wako nga na aci yakwe kwene. Nakucisile umwene waku Izlaeli na ina Yuda. Ndi cakuti vii vyonsi vitakukwanyile, ngano nakupiile navyuze ukongezya pali vii.

2 Samueli 2:11

Utali wa nsita ino Davidi wateesile umutundu wakwe Yuda umu Hebuloni cali imyaka cinimbali ni myezi mutanda.

2 Samueli 2:4

Lyene aonsi amu Yuda yiiza ku Hebuloni nga iyapongolwela Davidi mafuta, iyamwika pa cilimba ca wene wakwe Yuda. Lino Davidi uvwa ukuti aikazi amu Yabesyi mu musumba wa Gileadi yazika Saulo,

1 Yamwene 2:11

Wene wateesile mu Izlaeli imyaka amakumi yani. Umu Hebuloni wateesile imyaka cinimbali, nga mu Yelusalemu namo wateesile imyaka amakumi yatatu na itatu.

1 Milandu 11:3

Acino intunguluzi zyonsi izyamu Izlaeli zyaile kuli Davidi ku Hebuloni. Nawe ali pakucita upangano wamuzilo nazyo. Alino izimupaka amafuta, nga aya umwene wa ina Izlaeli, mu musango uli onga kwene uno Yawe walavile ukupitila muli kasema Samueli.

1 Milandu 29:27

Wene wateesile umu Izlaeli imyaka amakumi yani. Umu Hebuloni wateesile imyaka cinimbali, nga mu Yelusalemu namo wateesile imyaka amakumi yatatu na itatu.

1 Milandu 3:4

Ana yao yonsi mutanda yavyalilwe ku Hebuloni umu myaka cinimbali na citika ino Davidi wateesile kweneko. Mu Yelusalemu Davidi wateesile pa wene imyaka amakumi yatatu na itatu,