2 Samueli 5:23 - Amazwi Yakwe Leza 2013

²³ Acino Davidi auzya Yawe, nga nawe amwaasuka ati, “Apakulwisyanya nayo utayalungama foo. Lelo uye lwaku matundu yao, akuno uzingulukile, ulunga ni miku.

2 Samueli 5:23 ပူးပေါင်းရင်းမြစ်များ

2 Samueli 2:1

Pacisila ca nsita imwi, Davidi auzya Yawe ati, “Uzye nje inkateeke umusumba onga pa misumba ya mpanga yakwe Yuda?” Yawe nawe aasuka ati, “Ee, yanga.” Davidi nawe auzya ati, “Uzye ungaya umusumba cii?” Yawe nawe aasuka ati, “Umusumba wa Hebuloni.”

2 Samueli 5:19

Acino Davidi auzya Yawe ati, “Uzye ningaya nkalwisye aina Filisti? Uzye umapeela aina Filisti umu makasa yane?” Yawe aasuka ati, “Ee, yanga ukayalwisye, pano icumi kwene namayapeela umu makasa yako.”

1 Milandu 14:14

Caleka Davidi auzya kuli Leza, nga Leza nawe amwaasuka ati, “Utezya kuyazanza ukufuma apa ncende kwene ii. Lelo mutale muyalizizye konsikonsi nga lyene muyazanze ulunga ni miti imiku.

Yoswa 8:2

Ulacitila umusumba wa Ai nu mwene wauko vivi kwene vino wacitile umusumba wa Yeliko nu mwene wauko, suka sile ivisampwe nga ni viteekwa vyene mungasenda. Tuma ivita ivya kuyateyamila kunzi ya musumba ulya.”

Yoswa 8:7

namwe mulinzile ukufisamuka muno mufisime nu kwizapoka umusumba wao. Yawe Leza winu alaupeela mu makasa inu.

1 Samueli 22:15

Uzye ilelo alino natandika ukumuzizya kuli Leza ivyakuti acite? Awe cisi vivyo! Cipelele ukutali kuti umwene ampeele umulandu nanti ukupeela ali wensi uwa kazi kakwe tata. Pano ne muomvi wako ntamanyile icintu nanti cimwi pali cii!”

1 Samueli 23:2

Davidi auzya kuli Yawe ati, “Uzye nje nkalwisye aina Filisti?” Yawe nawe aasuka ati, “Ee, pitanga kalwisye aina Filisti nu kutuula aina Keila.”