2 Samueli 5:2 - Amazwi Yakwe Leza 2013

² Ku mpiti, lino Saulo wali umwene awewe kwene watungululanga aina Izlaeli umu nkondo. Yawe nawe wakulavile ukuti ulatungulula antu yakwe nu kuya umwene wao.”

2 Samueli 5:2 ပူးပေါင်းရင်းမြစ်များ

Utandiko 49:24

Lelo ulapwa wa mwi kasa lyakwe utatazile utente, nga na makasa yakwe akome. Ku maka yakwe Leza Wamaka yonsi wakwe Yakobo, Leza wi ali Mucemi, nupya cisyangu cakwe Izlaeli.

2 Samueli 6:21

Davidi anena Mikala ati, “Nemo nacinanga kuti incindike Yawe, uwasiile so na aluko lwakwe lonsi, lelo ansolola kuti inje intunguluzi ya antu yakwe aina Izlaeli. Nga nani namatwalilila ukucina kuti incindike Yawe,

2 Samueli 7:7

Umu ncende zyonsi muno twapisile na ina Izlaeli, uzye natazile inena nanti intunguluzi yonga pa ina Izlaeli, pali yano nasonsile ukutungulula antu yane aina Izlaeli inti uzye pacani cino utankuulila ing'anda ya mbao zya mukelide?’

2 Samueli 7:8

“Ali cino, wemo fwandi pitanga ukanene umuomvi wane Davidi uti, ‘Nene ne Yawe Wamaka yonsi, anene nakufumizye kuku kuno wacemanga imfwele, nu kwiza kulasika uwene pa antu yane aina Izlaeli.

2 Yamwene 20:5

“Swilila ukamunene Hezekiya umwene wa antu yane uti, ‘Yawe, Leza wa cikolwe cako Davidi wavwanga ukuti natinuvwa ukupapata kwako, na minsozi yako natinjalola. Fwandi nemo namakupozya nu wanda uwalenga yatatu, ale wakwela kunondi, uku Ng'anda ikulu yakwe ne Yawe.

1 Milandu 11:2

Mu manda yampiti ala na Saulo acili umwene witu, wemo watungulwile antu ku kulwa inkondo nga Yawe Leza wako wakulavile ukuti ulatungulula antu yakwe nu kuya kateeka wao.”

2 Milandu 1:10

Ali cino fwandi nemo nakulenga sile kuti umpeele amano na malango akuti nteeke ningo antu yako. Pasi pano ntanzi vino ningateeka antu yako nyanya wakwe yaa!”

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Ezaya 55:4

Lola ninkucita kambone wa mitundu, intunguluzi na kateeka wa mitundu.

Ezekelo 34:23

Ndakatusya kacema uwa kuziteeka, umuomvi wane Davidi awino alaya akacema waziko nu kuzisunga aliwe alazisunga.

Mika 5:4

Lino aliza, wene alaposya nupya alacema imfwele zyakwe mu maka yakwe Yawe, nu mu ucindami wi zina lyakwe Yawe Leza wakwe. Alino yene yalikala mu mutende, pano ukulu wakwe ulafika nu kumpela ya nsi kwene.

Mpendwa 27:17

iyakuyakolelela pa nkolelo, ino ingayafumya nu kuingizya. Pano ndi cisi vivyo, iuvi lii lingaya wa mfwele izyaula mucemi.”

Mateo 2:6

‘Nawe Betelemu, mu mpanga yakwe Yuda, Usi munono muli yakateeka yakwe Yuda. Pano munuli mulafuma intunguluzi, ino ilaya akateeka wa antu yane aina Izlaeli.’ ”

Yoane 10:11

“Nene mucemi musuma. Mucemi musuma akapeela umi wakwe pamulandu wa mfwele.

Ayebulai 2:10

Cali icisuma ukuti Leza, wino uwaumba vintu vyonsi nu kuvisunga ningo, acite Yesu aye umufumaluke mu kupita mu macuzi kuti atungulule ana yakwe aingi kukumako ku lulumbi lwakwe. Pano Yesu ali ntunguluzi ya kuyatungulula ku ufyusi.

1 Samueli 13:14

Lelo ndakai uwene wako utamalengela. Yawe watailondela umuntu muze wino akasi nu kumulasika utesi pa antu yakwe, pamulandu wakuti wemo wakana ukusunga isunde lyakwe.”

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”

1 Samueli 18:13

Alino Saulo amusisya ukufuma panoli nga amulasika ukuya musika wa vita izimbi. Alino Davidi atungulula ivita mu kulwisya ulwi.

1 Samueli 18:16

Lelo aina Izlaeli yonsi na ina Yuda yatemilwe Davidi, pamulandu wakuti wene wayatungululanga umu ulwi.”

1 Samueli 18:5

Muli vyonsi kwene vino Saulo watumanga Davidi ukuyacita, wene ataposiwanga cakuti Saulo amulasika icifulo icikulu icamu vita. Na cii cazanzizye antu yonsi, kumwi ni ntunguluzi kwene zyakwe Saulo.

1 Samueli 25:28

Napapata unjelele ne muomvi wako pamulandu uli onsi uno nakutala. Pasi pano Yawe nawe alakulasika utesi uwa manda pe, pamulandu wakuti ukulwilila Yawe inkondo zyakwe. Nupya kusi icilumbelo nanti cimwi icilakuponela lino ucili umumi.

1 Samueli 25:30

Fwandi lino Yawe alafikilizya ivintu vino wakulaya, nu kukucita umwene uwa ina Izlaeli,

1 Samueli 9:16

“Mutondo pa kasita kwene ndi kaka kwene ndakutumila umuntu umwi uwamu mpanga yakwe Benjamini. Ali wino wemo ukasonte ukuya umwene wa antu yane aina Izlaeli. Wene alakulula antu yane ku makasa ya ina Filisti. Nemo natindola ukucula kwa antu yane, pano nuvwa mpiti inkuta yao.”